Dharmendra Health Update : बॉलिवूडचे ज्येष्ठ अभिनेते धर्मेंद्र सध्या रुग्णालयात आहेत. अनेक दिवसांपासून ते मुंबईतील ब्रीच कँडी रुग्णालयात दाखल होते. १० नोव्हेंबर रोजी धर्मेंद्र यांची तब्येत बिघडली होती, त्यानंतर त्यांच्या कुटुंबीयांची रुग्णालयात ये-जा सुरु असल्याचं पाहायला मिळालं. ८९ वर्षीय धर्मेंद्र यांना श्वास घेण्यास त्रास होत होता, त्यानंतर त्यांना रुग्णालयात दाखल करण्यात आले. या कठीण काळात, संपूर्ण देओल कुटुंब या ज्येष्ठ अभिनेत्यासोबत रुग्णालयात उपस्थित आहे. मात्र धर्मेंद्र यांची प्रकृती जाणून घेण्यासाठी प्रकाश कौर आतापर्यंत रुग्णालयात पोहोचू शकल्या नाहीत.
धर्मेंद्र यांची मुले सनी देओल आणि बॉबी देओल, नातू करण देओल आणि राजवीर देओल त्यांना भेटण्यासाठी अनेकदा हॉस्पिटलमध्ये गेले आहेत. अभिनेत्याची दुसरी पत्नी हेमा मालिनी आणि त्यांची मुलगी ईशा देओल यांनीही अनेकदा त्यांची भेट घेऊन त्यांच्या प्रकृतीची विचारपूस केली आहे. मात्र धर्मेंद्र यांची पहिली पत्नी प्रकाश कौर त्यांना एकदाही भेटायला आली नाही, यामुळे अनेक प्रश्न उपस्थित होत आहेत. पण आता त्याचे खरे कारण समोर आले आहे.
खरे तर प्रकाश कौर यांचीही प्रकृती ठीक नाही. एबीपी न्यूजच्या सूत्रांनी दिलेल्या माहितीनुसार, धर्मेंद्र यांची पहिली पत्नी प्रकाश कौर सध्या मुंबईत आहे. ती तिचा मोठा मुलगा सनी देओलसोबत राहत आहे. त्यांची प्रकृतीही ठीक नसल्याचे सांगण्यात येत आहे. गुडघेदुखी आणि चालण्यास त्रास होत असल्याने ती धर्मेंद्रला भेटण्यासाठी रुग्णालयात पोहोचू शकली नाही.
आणखी वाचा – धर्मेंद्र यांच्या निधनाचं वृत्त खोटं, लेक इशा देओल आणि पत्नी हेमा मालिनीने दिली माहिती, वाचा सविस्तर
देओल कुटुंबाव्यतिरिक्त अनेक चित्रपटसृष्टीतील व्यक्तींनीही ब्रीच कँडी हॉस्पिटलला भेट देऊन धर्मेंद्र यांच्या प्रकृतीची विचारपूस केली. शाहरुख खान, सलमान खान, गोविंदा आणि अमिषा पटेलही ज्येष्ठ अभिनेत्याला भेटण्यासाठी रुग्णालयात पोहोचले होते. अभिनेता आणि चित्रपट निर्माते अकबर खान आणि निखिल द्विवेदी धर्मेंद्र यांच्या कुटुंबीयांना भेटण्यासाठी त्यांच्या घरी पोहोचले होते. एवढेच नाही तर धर्मेंद्र यांच्या घराबाहेर चाहत्यांची गर्दीही जमली आहे.
