Riteish Deshmukh on Ruchita Jamdar : ‘बिग बॉस मराठी’ सिझन ६ चा ३४ वा दिवस सुरु आहे. आणि घरातील स्पर्धकांनी अक्षरशः धुमाकूळ घातला आहे. ‘बिग बॉस’ म्हटलं की, भाऊचा धक्का हा आलाच. आणि सगळेचजण भाऊच्या धक्क्याची वाट पाहत असतात. भाऊच्या धक्क्यावर नेहमीच रितेश देशमुख कोणा ना कोणाची शाळा घेत असतो. भाऊच्या धक्क्यावर प्रत्येक विकेंडला आठवड्याभरातील स्पर्धकांच्या चुका दाखवून दिल्या जातात आणि त्यांना खडेबोल सुनावले जातात. अशातच आता या आठवड्याच्या विकेंडला भाऊ कोणाची शाळा घेणार याकडे साऱ्यांच्या नजरा लागून राहिल्या असताना एका प्रोमोने साऱ्यांचं लक्ष वेधलं आहे.
कलर्स मराठी वाहिनीने या आठवड्याच्या भाऊच्या धक्क्याचा प्रोमो शेअर केला आहे आणि यांत भाऊ रुचिताला चांगलंच सुनावताना दिसत आहे. रितेश रुचिताला म्हणतो, “रुचिता, दीपाली यांच्याकडे बघून तुम्ही काय केलात? आ थू… थुकलात. तुम्ही जे वागलात ते कुठल्याच आईला आवडलं नसेल. यावर रुचिता भाऊ असं बोलते. तेव्हा रितेश तिला थांबवतो आणि म्हणतो, “मी बोलतोय. तुम्ही जे बोललात ते महाराष्ट्रातील कुठल्याच आईला आवडलं नसेल. ओ. तुम्हाला जर असे एक्स्प्रेशन द्यायचे असतील तर आत जा. भाऊच्या धक्क्यावर तुम्हाला जागा नाही. अप अँड गो. ए बंद करा”.
आणखी वाचा – थलपती विजयच्या रॅलीत महाराष्ट्रातील तरुणाचा मृत्यू, पत्रकार-कार्यकर्त्यांमध्ये वाद, नेमकं प्रकरण काय?
या आठवड्यात रुचिता आणि दीपालीमध्ये जोरदार वाद झाल्याचं पाहायला मिळाला. यावेळी रुचिताने कसलाही विचार न करता दीपाली सय्यदला तोंडाला येईल ते बोलत सुटली. आणि याच प्रकरणावर रितेश देशमुखने रुचिताची शाळा घेतली. आता रुचिताच्या अशा वागण्याने तिला भाऊ काय शिक्षा देणार हे पाहणं येणाऱ्या भागात रंजक ठरेल.
