Saif Ali Khan Attacked : सैफ अली खानवर १५ जानेवारी रोजी एका अज्ञाताने घरात घुसून चाकूने हल्ला केला होता. आरोपींनी अभिनेत्यावर सहा वेळा हल्ला केला. तेव्हापासून सैफ मुंबईच्या लीलावती रुग्णालयात दाखल आहे. त्याच्या मणक्यात अडकलेला अडीच इंच चाकूचा तुकडा डॉक्टरांनी शस्त्रक्रियेने काढला. अभिनेत्याच्या प्रकृतीत आता बरीच सुधारणा झाली आहे. त्यामुळे आज त्याला रुग्णालयातून डिस्चार्ज देण्यात आला आहे. डिस्चार्ज मिळाल्यानंतर सैफ अली खान सतगुरू शरण जाण्याऐवजी फॉर्च्युन हाईट्सला जाऊ शकतो, अशी शक्यता वर्तविण्यात येत आहे. सैफचे अपार्टमेंट सतगुरु शरण बिल्डिंगमध्ये आहे, येथेच अभिनेत्यावर हल्ला झाला होता. या घटनेनंतर सैफ अली खानच्या घराची सुरक्षाही वाढवण्यात आली आहे.
त्याच्या घरात अतिरिक्त सीसीटीव्ही कॅमेरे बसवले जात आहेत. सध्या वायरिंगचे काम सुरुआहे. डक्ट बंद करण्याचेही काम सुरु आहे. सैफ अली खानचे ऑपरेशन आणि उपचार करणाऱ्या चार डॉक्टरांच्या टीमने सैफ चालण्यास सक्षम असल्याचे सांगितले आहे. तो बोलण्यास सक्षम आहे परंतु त्याला पूर्णपणे बरे होण्यासाठी एक महिना लागेल, असंही सांगण्यात आलं आहे. डॉक्टरांनी सांगितले की, ज्या भागात आरोपीने वार केले होते आणि चाकूचा अर्धा भाग तुटला होता त्या भागात कॉस्मेटिक शस्त्रक्रिया करण्यात आली आहे जी बरी होण्यासाठी एक महिना लागेल.
आणखी वाचा – Tharla Tar Mag : सायली-अर्जुन कायमचे वेगळे?, सुभेदार कुटुंबाकडून अर्जुन-प्रियाच्या लग्नाचा घाट, नवा ट्विस्ट
तोपर्यंत डॉक्टरांनी सैफला वजन उचलण्यास, जिम व शूटिंग करण्यास मनाई केली असून त्याला पूर्ण विश्रांती घेण्याचा सल्ला दिला आहे. याशिवाय, त्यांनी वेळोवेळी जनरल सर्जरी फिजिशियनचा सल्ला घ्यावा, असंही सुचवले आहे. दरम्यान, ६० तासांच्या मेहनतीनंतर मुंबई पोलिसांनी सैफ अली खानवर हल्ला करणाऱ्या आरोपीला अटक केली आहे. आरोपी शरीफुल इस्लाम शहजाद मोहम्मद रोहिल्ला अमीन फकीर हा ३० वर्षांचा असून तो बांगलादेशचा रहिवासी आहे. सध्या आरोपी १४ दिवसांच्या पोलिस कोठडीत असून, यादरम्यान त्याची चौकशी करण्यात येत आहे.
आणखी वाचा – तितीक्षा तावडेचं लग्नानंतरचं पहिलं हळदी-कुंकू, काळ्या रंगाच्या साडीमध्ये खुललं सौंदर्य, फोटो समोर
आरोपीने पोलिसांच्या चौकशीत अनेक धक्कादायक खुलासे केले असून सैफच्या घरावर हल्ला करण्यापूर्वी त्याने इतर अनेक कलाकारांच्या घरांची रेकी केल्याचे सांगितले आहे. सैफच्या इमारतीत प्रवेश करणे सोपे होते म्हणून तो अभिनेत्याच्या घरात घुसला. पोलिसांनी आरोपींसह सैफच्या घरी गुन्ह्याचे दृश्य पुन्हा तयार केले. यावेळी संपूर्ण बिल्डिंगमध्ये सैफ अली खानच्या घराचा फक्त मागचा दरवाजा उघडा होता आणि सीसीटीव्हीही बंद असल्याचे समोर आले. सध्या पोलीस या प्रकरणाच्या तळापर्यंत पोहोचण्यासाठी सर्वतोपरी प्रयत्न करत आहेत.
