Prakash Raj mother death : अभिनेता प्रकाश राज त्याच्या वैयक्तिक आयुष्यामुळे चर्चेत आला आहे. त्याची आई सुवर्णलता यांचे वयाच्या ८६ व्या वर्षी निधन झाले, त्यामुळे ते आणि त्यांचे कुटुंबीय अतिशय दु:खी झाले आहेत. या कठीण काळात लोकांनी त्यांचे सांत्वन केले तर काही लोकांनी सोशल मीडियावर त्यांच्यावर प्रश्न उपस्थित करण्यास सुरुवात केली. विशेषत: त्याच्या आईच्या अंत्यसंस्काराच्या संदर्भात वाद सुरु झाला, ज्यामुळे हा मुद्दा आणखी चर्चेत आला आहे. प्रकाश राज यांनी त्यांच्या श्रद्धेनुसार ख्रिश्चन रितीरिवाजांनुसार बेंगळुरू येथे त्यांच्या आईचे अंतिम संस्कार केले. मात्र एका सोशल मीडिया यूजरने त्यांच्यावर निशाणा साधला आणि म्हटले की, “जो स्वत:ला नास्तिक म्हणवतो तो धार्मिक पद्धतीने अंतिम संस्कार कसा करु शकतो?”
यावर प्रकाश राज गप्प बसले नाहीत आणि त्यांनी थेट प्रत्युत्तर दिले की, “मी देवावर विश्वास ठेवत नाही, पण माझ्या आईने ठेवला आहे. त्यांचा विश्वास नाकारणारा मी कोण? त्यांना त्यांच्या श्रद्धेनुसार अंत्यसंस्कार करण्याचा अधिकार आहे. द्वेष पसरवणाऱ्यांना इतकी साधी गोष्ट समजेल का?”. आईच्या निधनानंतर त्यांनी सोशल मीडियावर एक भावनिक पोस्टही शेअर केली, ज्यामध्ये त्यांनी सर्वांचे आभार मानले आणि आईची आठवण काढली आणि सांगितले की, “मला तिची खूप आठवण येईल”.
आणखी वाचा – सुप्रसिद्ध मराठी अभिनेत्याने घेतली नवी गाडी, फोटो शेअर करत म्हणाला, “पहिली कार…”
Yes. I don’t believe in god .. but my mother believed in her god . Who am i to deny her .. the right to be buried according to her belief. This is the basic respect we give one another. Will you Hate mongering monsters understand this #justasking https://t.co/vD1GhySf3M— Prakash Raj (@prakashraaj) April 2, 2026
गेल्या वर्षी प्रकाश राज यांनी ‘लल्लनटॉप’ला दिलेल्या एका मुलाखतीत सांगितले होते की, त्यांचा देवावर विश्वास नाही, पण याचा अर्थ असा नाही की त्यांनी इतरांनाही असे करण्यास सांगावे. त्याची आई ख्रिश्चन धर्मावर विश्वास ठेवत होती आणि त्याची पत्नी हिंदू धर्माला फॉलो करणारी आहे आणि तो दोघांच्याही श्रद्धेचा आदर करतो. तो आपल्या पत्नीसोबत पूजेला बसतो आणि आईसोबत चर्चला जायचा.
