Parineeti Chopra Pregnancy : बॉलिवूड अभिनेत्री परिणीती चोप्रा आणि राघव चड्ढा ही जोडी लोकप्रिय जोडींपैकी एक आहे. २४ सप्टेंबर २०२३ ला अगदी शाही थाटामाटात ही जोडी लग्नबंधनात अडकली. तेव्हापासून या जोडीचे लाखो चाहते दिवाने आहेत. परिणीतीने आजवर तिच्या अभिनयाने रसिकांच्या मनावर राज्य केलं आहे. सोशल मीडियावरही ती बऱ्यापैकी सक्रिय असते. नेहमीच ती काही ना काही शेअर करत चाहत्यांच्या संपर्कात असते. अशातच परिणीतीने चाहत्यांसह एक गुडन्यूज शेअर केली आहे. लग्नाच्या दीड वर्षानंतर परिणीती आई होणार आहे. सोशल मीडिया पोस्ट शेअर करत तिने ही आनंदाची बातमी दिली आहे.
परिणीती चोप्राने इन्स्टाग्रामवर एक पोस्ट शेअर केली आहे. त्या पोस्टमध्ये तिने, “आमचे छोटेसे जग… त्याच्या मार्गावर” असे लिहिले आहे. तसेच या पोस्टमध्ये परिणीती चोप्रा आणि राघव चड्ढा पाठमोरे चालताना दिसत आहेत. याचबरोबर तिने एक फोटो शेअर केला आहे सुंदर अशा एक केकवर १+१ = ३, असं लिहीत त्यावर चिमुकली पावलं पाहायला मिळत आहेत. परिणीती चोप्राची ही पोस्ट सोशल मीडियावर मोठ्या प्रमाणात व्हायरल झाली आहे. या गुड न्यूजनंतर चाहते तिचे अभिनंदन करताना दिसत आहेत.
आणखी वाचा – देवदत्त नागेंचा ‘जय मल्हार’ मालिकेतील आठवणींना उजाळा, जेजुरीत नवं घर घेण्याचं स्वप्नही पूर्ण, म्हणाले…
परिणीती आणि राघव यांनी आई-बाबा होणार असल्याची आनंदाची बातमी देताच त्यांच्यावर जगभरातून शुभेच्छांचा वर्षाव होताना पाहायला मिळत आहे. तसेच चाहत्यांमध्येही आनंदाचं वातावरण पसरलेलं पाहायला मिळत आहे. या पोस्टवर राकुल प्रीत, अनन्या पांडे, सोनम कपूर, नेहा धुपिया, रकुल प्रीत, भूमी पेडनेकर यांच्यासारख्या अनेक सेलिब्रिटींनी अभिनेत्रीचे अभिनंदन केले आहे.
आणखी वाचा – संकर्षण कऱ्हाडेच्या ‘तू म्हणशील तसं’ नाटकाचा शेवट, निरोप घेताच अभिनेता भावुक, म्हणाला, “तुमच्या मनांत…”
यापूर्वी परिणीती तिच्या गरोदरपणाबाबत कपिल शर्माच्या शोवर बोलली होती. परिणीती राघवला कपिलने असा प्रश्न केला होता की, तुम्ही बेबी प्लॅन कधी करताय? त्यावर दोघांनी दिलेल्या उत्तराकडे साऱ्यांच लक्ष वेधलं. राघव हसत म्हणाला की, “देऊ… तुम्हा सर्वांना लवकरच आम्ही आनंदाची बातमी देऊ”, हे ऐकून परिणीती थोडीशी शॉक झाली. आणि ती आश्चर्याने राघवकडे पाहू लागली. आणि नंतर परिणीतीलाही हसू अनावर झालं.
