Devoleena Bhattacharjee trolling : ‘साथ निभाना साथिया’ मधील गोपी बहूच्या भूमिकेमुळे प्रसिद्धीस आलेल्या टेलिव्हिजन अभिनेत्री देवोलिना भट्टाचार्जी हिला सोशल मीडियावर ट्रोलिंगचा बराच सामना करावा लागला. अभिनेत्रीने जेव्हापासून तिच्या लेकाला जन्म दिला तेव्हापासून ती ट्रोलिंगची शिकार झाली आहे. आई झाल्यानंतर देवोलिनाला सोशल मीडियावर वाईट परिस्थितीचा सामना करावा लागत आहे. कारण तिच्या लेकाचा असणारा सावळा रंग. देवोलिनाच्या लेकाच्या सावळ्या रंगावरुन त्याला बरंच ट्रोल करण्यात आलं. यावेळी एक आई म्हणून देवोलिना कायम खंबीर राहिली. आणि तिने वेळोवेळी ट्रोलर्सची कानउघडणी केली.
देवोलिनाने जन्माष्टमीनिमित्त तिच्या लेकाला कृष्ण बनवलं होतं. पिवळा कुर्ता-पायजमा परिधान केलेल्या मुलाचे काही सुंदर असे फोटो तिने इंस्टाग्रामवर शेअर केले होते. या पोस्टवर बहुतेक चाहत्यांनी प्रेम व्यक्त केलं, तर काही नेटकऱ्यांनी हे फोटो पाहून वर्णद्वेषी टिप्पणीसह मर्यादा ओलांडली. आणि यानंतर एका आईतील दुर्गा जागी झाली. आणि तिने गप्प न राहण्याचा निर्णय घेतला. या टिप्पणीकडे दुर्लक्ष करण्याऐवजी तिने ट्रोल केलेल्यांचे थेट स्क्रीनशॉट शेअर केले आणि त्यांची ओळख सांगितली.
आणखी वाचा – संकर्षण कऱ्हाडेच्या ‘तू म्हणशील तसं’ नाटकाचा शेवट, निरोप घेताच अभिनेता भावुक, म्हणाला, “तुमच्या मनांत…”
आपल्या इन्स्टाग्राम स्टोरीमध्ये तिने याबाबतची निराशा व्यक्त केली आणि लिहिले, “क्लासिक उदाहरणे मुलांसारखी का बनविली जातात आणि त्यांच्यासारखे का बनतात. जे घरी शिकतील, ते मोठे होतील आणि तेच करतील. दिवस आणि रात्र रामच्या नावाचा जप करुन कोणीही धार्मिक बनत नाही. रावणसुद्धा शिवचा भक्त होता”. ती पुढे म्हणाली, “देवाचे हे सर्व भक्त आणि कट्टर सनातनी स्वत: ला सांगतात आणि आमच्या हालचालींकडे पाहतात. मॅडम, आपण आपल्या मुलालाही कान्हा बनविले होते. कन्हैयाच्या रंगाशी इतकी नफरत आहे का?. तुमचा जन्म भारतात नाहीतर ब्रिटनमध्ये व्हायला हवा होता. ब्रिटिशांना काळ्या रंगाची समस्या होती”.
आणखी वाचा – परिणीती चोप्रा व राघव चड्ढा आई-बाबा होणार, लग्नाच्या दोन वर्षानंतर गुडन्यूज, शेअर केली खास पोस्ट
अभिनेत्रीच्या या प्रतिक्रियेला चाहत्यांकडून आणि अनुयायांकडून पाठिंबा मिळाला, ज्यांपैकी बर्याच जणांनी ऑनलाइन द्वेषाविरुद्ध कठोर भूमिका घेतल्याबद्दल तिचे कौतुक केले. बर्याच नेटकऱ्यांनी असेही म्हटले आहे की मुलांना लक्ष्य करणे चुकीचे आहे आणि अशा वर्तनाचा समाजावर वाईट परिणाम होतो. गेल्या वर्षाच्या सुरुवातीस, देवोलिना भट्टाचार्जी आणि तिचा नवरा शहनवाज शेख यांनी त्यांच्या मुलाचे आनंदाने स्वागत केले. तेव्हापासून, अभिनेत्री तिच्या आई झाल्यानंतरच्या प्रवासाचा आनंद लुटत आहे आणि बर्याचदा ती आपल्या मुलासह फोटो पोस्ट करत असते.
