Sunita Ahuja On Govinda : बॉलिवूडचा हिरो नंबर 1 गोविंदा त्याच्या खास स्टाइलसाठी ओळखला जातो. अर्थात हा अभिनेता सध्या चित्रपटसृष्टीपासून दूर असला तरी अनेकदा तो चर्चेत राहतो. अलीकडेच त्याची पत्नी सुनीता आहुजा आपल्या पतीबद्दल भाष्य करताना दिसली. यामुळे गोविंदा व त्याची पत्नी चर्चेत आली आहे. अभिनेत्याच्या पत्नीने म्हटले आहे की, लग्नाच्या अनेक वर्षानंतर तिचा दृष्टीकोन बदलला आहे. आता तिला या नात्यात आत्मविश्वास वाटत नाही. तिच्या या वक्तव्यावरुन लोक असा अंदाज लावत आहेत की त्यांच्या नात्यात कोणताही वाद तर सुरु नसावा. सध्या सुनीता आहुजा यांनी अभिनेता गोविंदाबाबत केलेलं हे वक्तव्य अधिक चर्चेत आलं आहे.
मीडियाला दिलेल्या मुलाखतीत सुनीता आहुजाने सांगितले की, तिच्या करिअरच्या शिखरावर असताना तिला गोविंदाबद्दल सुरक्षित वाटत होते, तर त्या दिवसांत अभिनेत्याच्या अफेअरच्या डझनभर बातम्या येत होत्या. पिंकविलाशी झालेल्या संवादात सुनीता अहुजा म्हणाली, “पूर्वी मी खूप सुरक्षित होते, आता नाही आहे. वयाच्या ६० नंतर माणसे सुद्धा चिडखोर होतात हे खरे नाही का?. पुढे काय करायचे ते कळत नाही आहे”. तिला पुढे विचारण्यात आले की तिच्या पतीबद्दलच्या अफवांचा तिच्यावर परिणाम झाला आहे का?. या प्रश्नाचं उत्तर देत ती म्हणाली, “नाही. त्या दिवसात मला त्याचे बीजी शेड्यूल समजले होते”. मात्र, या विषयावर ती पुढे म्हणाली की, “आता अशा बातम्या ऐकायला मिळाल्या तर कदाचित अस्वस्थ वाटू लागेल”.
आपला मुद्दा पुढे चालू ठेवत ती म्हणाली, “मी पुन्हा सांगतेय कधीच कोणावर विश्वास ठेवू नका. तो माणूस आहे. आणि तो सरड्यासारखा रंग बदलतो”. सुनीता यांनी गमतीत असे म्हटलं असलं तरी, या जोडप्याचे खूप स्ट्रॉंग बॉण्ड आहेत. या दोघांचे लग्न ११ मार्च १९८७ रोजी झाले होते आणि त्यांना टीना आहुजा आणि यशवर्धन अशी दोन मुले आहेत. हे दोघेही अनेकदा टीव्ही शोमध्ये पाहुण्यांच्या भूमिकेत दिसतात.
या मुलाखतीत सुनीता आहुजा अभिनेता वरुण धवनबद्दलही बोलल्या. वरूण धवनची गोविंदाशी तुलना करताना सुनीता म्हणाली, “ते बोलतात, तुलना करतात पण ते का बोलतात ते मला समजत नाही. त्यालाही वाईट वाटत असेल की तो तुलना सलमानशी करतो, पण मला समजत नाही का?”. बेबी जॉन अभिनेत्याबद्दल ती पुढे म्हणाली की, “तो लहानपणापासूनच खेळकर होता”.
