Shah Rukh Khan To Leave Mannat : बॉलिवूड सुपरस्टार शाहरुख खान नेहमीच कोणत्या ना कोणत्या कारणामुळे चर्चेत असतो. जगभरात शाहरुख खानचा खूप मोठा चाहतावर्ग आहे. आजवर त्याने त्याच्या अभिनयाने रसिक प्रेक्षकांच्या मनावर अधिराज्य गाजवलं आहे. शाहरुख खान जितका चर्चेत असतो तितकीच त्याच्या राहत्या घराची म्हणजेच बंगल्याची चर्चा असते. त्याचा राहता बंगलाही लोकप्रिय आहे. अनेकदा चाहते किंग खानच्या घराबाहेरही जातात आणि फोटो घेतात. तर बरेचदा शाहरुख खान आपल्या चाहत्यांना त्याच्या या घराच्या बाल्कनीतून भेट देताना दिसतो. परंतु आता हे काही काळ होणार नाही कारण शाहरुख खान आपल्या कुटुंबासमवेत दुसरीकडे राहायला जाणार असल्याचं समोर आलं आहे.
शाहरुख खान यावर्षी मे महिन्यापूर्वी मन्नत सोडून त्याचे कुटुंबीय गौरी खान, आर्यन खान, सुहाना खान आणि अब्राम यांच्यासमवेत वांद्रे येथील पाली हिलमध्ये शिफ्ट होणार आहे. वास्तविक, नूतनीकरणाचे काम मन्नतमध्ये चालू आहे आणि अशा परिस्थितीत हा अभिनेता भाड्याने घेतलेल्या घरात राहायला जात आहे. या काळात शाहरुख खानने चित्रपट निर्माता जॅकी भगनानी यांचे चार मजली अपार्टमेंट भाड्याने घेतले आहे. येथे तो आपल्या कुटुंबासमवेत दोन वर्षे राहील.
आणखी वाचा – Video : धमाल-मस्ती, निर्सगाचा आनंद अन्…; अरुण कदमांचा नातवासह कोकण रेल्वेने प्रवास, साधेपणाने वेधलं लक्ष
या अपार्टमेंटसाठी किंग खान भगनानी यांना २४ लाख रुपयांचे भाडे देण्यात येईल. शाहरुख खानच्या प्रॉडक्शन हाऊस ‘रेड चिलीज एंटरटेनमेंट’ने भगनानीचा मुलगा जॅकी भगनानी आणि त्यांची मुलगी दीपशीख देशमुख यांच्याशी रजा व परवाना करार केला आहे. गेल्या वर्षी नोव्हेंबरमध्ये, गौरी खान यांनी मन्नतच्या मागे असलेल्या अॅनेक्सीवर दोन मजले बनवण्यासाठी महाराष्ट्र किनारपट्टी क्षेत्र व्यवस्थापन प्राधिकरणाची परवानगी मागितली.
आणखी वाचा – गोविंदाच्या घटस्फोटाच्या बातम्यांवर सुनिता आहुजा यांच्या सेक्रेटरीचा मोठा खुलासा, म्हणाले, “दोन दिवस थांबा…”
जर हे अतिरिक्त मजले तयार झाले तर ते त्यांच्या घराच्या क्षेत्रात ६१६.०२ चौरस मीटर वाढवेल. याची किंमत कमीतकमी २५ कोटी रुपये असू शकते. शाहरुख खान यांने सन २००१ मध्ये मन्नत विकत घेतले. शाहरुख खानने घराच्या मागे सहा मजली इमारत बांधली आहे ज्याला मन्नत एनेक्सी असे म्हटले जाते. माध्यमांच्या वृत्तानुसार, किंग खानने त्यावेळी हा बंगला अवघ्या १३ कोटींमध्ये विकत घेतला. आज, शाहरुख खानच्या मन्नतची किंमत २०० कोटी रुपये आहे. म्हणजेच, मन्नतची किंमत २४ वर्षांत १५ पट वाढली आहे. स्वत: बॉलिवूडचा किंग याबाबत म्हणाला आहे की, मन्नत हाऊस ही त्याची सर्वात महाग खरेदी आहे.
