होळी, रंगांचा सण जवळ आला असून सर्वांनाच या सणाची उत्सुकता सर्वांना लागून राहिली आहे. अशातच होळीची क्रेज बॉलिवूडमध्येही दिसू लागली आहे. बॉलिवूडमध्ये होळीसाठीच्या पार्ट्यांचे आयोजन सुरु झाल्याचं पाहायला मिळत आहे. अशातच मुकेश अंबानी व नीता अंबानीच्या लेकीने म्हणजेच इशा अंबानीने होळीच्या आधीच अर्बन होळीचे आयोजन केल्याचं समोर आलं. नुकताच अनंत अंबानी व राधिका मर्चंटचा प्री-वेडिंग सोहळा दिमाखात पार पडला. या सोहळ्याला बॉलिवूड कलाकार, तसेच परदेश दिग्गज मंडळी, राजकीय व क्रीडा क्षेत्रातील मंडळी यांची उपस्थिती होती. (Priyanka Chopra)
अनंत व राधिकाच्या या मोठया सोहळ्यानंतर आता इशानेही होळी पार्टीचे आयोजन केले होते. इशाच्या या पार्टीलाही बॉलिवूड कलाकारांनी हजेरी लावत या पार्टीची शोभा वाढविली. प्रियांका चोप्रा, आयुष्मान खुराना, शिल्पा शेट्टी, ओरी, अथिया शेट्टी, माधुरी दीक्षित आणि अनेक सेलिब्रिटींनी या भव्य पार्टीला हजेरी लावली. इशाच्या या प्री-होळी पार्टीत एका सेलिब्रिटी कलाकाराची चर्चा रंगली असं म्हणणं वावगं ठरणार नाही. ही अभिनेत्री म्हणजे प्रियांका चोप्रा.
इशा अंबानी आयोजित प्री-होळीसाठी प्रियांका भारतात आली असल्याची सर्वत्र चर्चा सुरु आहे. या पार्टीत प्रियांकाच्या लूकनेही साऱ्यांच्या नजरा वळविल्या. प्रियांकाने जबरदस्त असा मॉडर्न ड्रेस परिधान केला होता. तसेच तिने तिच्या ड्रेसला साजेसा असा चमकदार नेकलेस घातला होता. प्रियांकाचा हा पार्टी लूक साऱ्यांच्या पसंतीस पडला. बऱ्याच दिवसांनी प्रियांका बी-टाऊन पार्टीमध्ये हजेरी लावताना दिसली. निक जोनासबरोबर लग्न केल्यानंतर इशा परदेशात स्थायिक झाली.
अधूनमधून ती कामानिमित्त भारतात येत असते. यावेळी प्रियांका तिची लेक मालती मारीबरोबर भारतात परतली आहे. काल मुंबई एअरपोर्टवर मायलेक स्पॉट झाल्या. मुंबईत माहेरी आल्यानंतरचा आनंद प्रियांकाच्या चेहऱ्यावर दिसत होता. तर मालतीही थोडीशी खुश व थोडी घाबरलेली दिसली. दोघी एअरपोर्ट स्पॉट झाल्या तेव्हा प्रियांका लेकीची काळजी घेताना दिसली. भारतात येताच चाहत्यांनीही तिच्या येण्याने आनंद व्यक्त केला.
