सिनेमासृष्टीत सध्या बऱ्याच कलाकार मंडळींकडून खुशखबर ऐकू येत आहेत. अनेक कलाकारांनी त्यांच्या चाहत्यांबरोबर आनंदाच्या बातम्या शेअर केल्या आहेत. अनेकांनी ‘आमचं ठरलं’ म्हणत गुडन्यूज दिली आहे, तर काहींनी बाळ झाल्याची खुशखबर दिली आहे. अशातच आणखी एका बॉलिवूड अभिनेत्रीने चाहत्यांना गुडन्यूज दिली आहे. ही अभिनेत्री म्हणजे स्वरा भास्कर. (Swara Bhaskar Baby)
स्वरा भास्करने बॉलिवूड इंडस्ट्रीतील चाहत्यांबरोबर एक आनंदाची बातमी शेअर केली आहे. बॉलिवूड अभिनेत्री स्वरा भास्करने काल म्हणजेच २५ सप्टेंबर रोजी एका लाडक्या मुलीला जन्म दिला. स्वरा भास्कर आई झाली असल्याची खुशखबर तिने चाहत्यांसह शेअर केली. अखेर त्यांच्या घरात आनंदच वातावरण निर्माण झालं आहे. ही माहिती तिने स्वतः तिच्या चाहत्यांबरोबर इन्स्टाग्राम अकाऊंटवरून शेअर केली आहे.
स्वरा भास्कर हिने तिच्या इंस्टाग्रामवर स्वतःचे आणि तिच्या मुलीचे काही फोटो शेअर केले आहेत. ज्यामध्ये तिने चाहत्यांना खुशखबर देत सरप्राईज दिले आहे. या फोटोंमध्ये स्वरा व तीच बाळ दोघेही निरोगी दिसत आहेत. या फोटोंसोबत स्वराने कॅप्शन लिहीत साऱ्यांचं लक्ष वेधून घेतलं आहे. स्वरा हिने एका मुलीला जन्म दिला आहे. त्याचे फोटो शेअर करत अभिनेत्रीने कॅप्शनमध्ये लिहिले आहे की, “देवाने एक प्रार्थना ऐकली आणि आशीर्वाद ही मिळाला. आमची मुलगी राबिया हिचा जन्म २३ सप्टेंबर २०२३ रोजी झाला. कृतज्ञ व आनंदी अंतःकरणाने, तुम्ही दिलेल्या प्रेमाबद्दल धन्यवाद. हे संपूर्ण नवीन जग आहे”.
स्वराने तिच्या इन्स्टाग्राम अकाऊंटवर तिच्या बाळाचे काही फोटो शेअर केले आहेत. या फोटोंमध्ये स्वराने आपल्या मुलीला तिच्या मांडीवर घेतलेले पाहायला मिळतंय. तर तिचा नवरा फहाद अहमद तिच्या जवळ उभा आहे आणि दोघेही कॅमेऱ्यासमोर पोज देताना दिसत आहेत. या फोटोंमध्ये स्वराने ब्लॅक अँड व्हाइट ड्रेस परिधान केला आहे. तर स्वराने लेकीला गुलाबी रंगाच्या कपड्यात गुंडाळले आहे. तसेच काही रुग्णालयातील लेकीबरोबरचे काही फोटो स्वराने इन्स्टाग्राम अकाऊंटवरून शेअर केले आहेत.
