Neena Gupta personal life : नीना गुप्ता यांनी वयाच्या ५० व्या वर्षी लग्न करुन सर्वांना आश्चर्यचकित केले. २००८ मध्ये तिने दिल्लीतील चार्टर्ड अकाउंटंट विवेक मेहरा यांच्याशी लग्न केले. याआधी, ती आपली मुलगी मसाबा गुप्ता हिला अनेक वर्षांपासून सिंगल मदर म्हणून वाढवत होती. आयुष्याचा कठीण आणि महत्त्वाचा काळ एकट्याने घालवल्यानंतर तिने अचानक लग्न का केले याबद्दल तिने आता उघडपणे सांगितले आहे. विशेष म्हणजे हा चित्रपटी लव्ह मॅरेज संदर्भात नसल्याचे तिने सूचित केले.
जेव्हा शुभंकर मिश्रा यांनी पॉडकास्टमध्ये विचारण्यात आले की त्यांनी प्रेमासाठी लग्न केले आहे का? तर नीनाने स्पष्टपणे सांगितले की, तिला प्रेम आणि आपुलकीचे फारसे काही कळत नाही. तिने सांगितले की तिला फक्त तिच्या मुलाबद्दलचे प्रेम समजते आणि इतर गोष्टींकडे त्या दृष्टीकोनातून ती पाहत नाही. हा प्रश्न सोपा नसल्यामुळे भविष्यात ती या विषयावर आणखी एक पुस्तक लिहू शकते, असेही तिने सांगितले.
आणखी वाचा – मराठमोळ्या अभिनेत्रीची लगीनघाई सुरु, लग्नापूर्वीच्या विधींना सुरुवात, फोटो समोर
प्रेम नसेल तर लग्न का केले असे विचारले असता नीनाने ‘खूप गरज होती’ असे सहज उत्तर दिले. समाजात राहायचे असेल तर त्यातील काही नियम पाळले पाहिजेत, अशी त्यांची धारणा होती. आपण आपल्या चुकांमधून हे शिकलो असल्याचे त्यांनी सांगितले. नीनाने असेही सांगितले की, जेव्हा ती कुठेतरी बाहेर जायची तेव्हा लोक तिच्याकडे विचित्र नजरेने बघायचे. पण लग्नानंतर हे मत बदलले. ते म्हणाले की हे बोलणे चांगले वाटत नाही पण सत्य हे आहे की लग्न केले तर सर्व काही ठीक होईल”. आजही समाज एकट्या स्त्रीकडे वेगळ्या नजरेने पाहतो हे त्यांच्या विधानावरुन स्पष्ट होते.
आणखी वाचा – आकर्षक रोषणाई, फुलांची सजावट अन्…; रश्मिका मंदान्ना – विजय देवरकोंडाची लगीनघाई, लग्नाची तारीखही आली समोर
नीना गुप्ता नेहमीच त्यांच्या कामासह वैयक्तिक आयुष्यामुळे चर्चेत राहिल्या. त्यांची मुलगी मसाबा गुप्ता, जी आज एक प्रसिद्ध फॅशन डिझायनर आणि अभिनेत्री आहे, तिचा जन्म १९८९ मध्ये झाला. मसाबाचे वडील वेस्ट इंडिजचे माजी क्रिकेटपटू व्हिव्हियन रिचर्ड्स आहेत. नीनाने लग्नाशिवाय आई होण्याचा निर्णय घेतला आणि मसाबाला सिंगल मदर म्हणून वाढवले. त्यामुळेच त्यांचे आयुष्यातील निर्णय लोकांमध्ये नेहमीच चर्चेचा विषय राहिले आहेत.
