vijay devarkonda rashmika mandanna marriage : विजय देवरकोंडा आणि रश्मिका मंदान्ना यांनी आतापर्यंत त्यांच्या नात्याबद्दल काहीही सांगितले नसले तरी आता मात्र त्यांच्या लग्नाची जोरदार चर्चा सुरु झाली आहे. आणि या चर्चेला सुरुवात झाली ती म्हणजे विजय देवरकोंडाच्या घराची सजावट पाहून. विजयचे हैदराबादमधील ज्युबली हिल्सचे घर सध्या दिव्यांनी उजळून निघाले आहे. त्याच्या घराची काही झलक सोशल मीडियावर समोर आली आहे. २६ फेब्रुवारीला दोघे लग्न करणार असल्याची चर्चा आहे. काही काळापासून त्यांच्या लग्नाबाबत बातम्या येत होत्या की दोघेही उदयपूरमध्ये लग्न करणार आहेत.
उदयपूरमधील एका भव्य राजवाड्यात एका खासगी कार्यक्रमाचे आयोजन करण्यात आल्याची बातमी होती. तथापि, विजय देवरकोंडा किंवा रश्मिका किंवा त्यांच्या कुटुंबीयांनी या संदर्भात कोणतेही वक्तव्य जारी केलेले नाही. त्यांच्या लग्नाच्या अफवांना आणखी खतपाणी घालत, कथित जोडप्याच्या लग्नाची आमंत्रण पत्रिका देखील सोशल मीडिया प्लॅटफॉर्मवर दिसली आहे. या निमंत्रण कार्ड बॉक्समध्ये काही भेटवस्तू देखील दिसत आहेत. या निमंत्रण पत्रात असे सांगण्यात आले आहे की, दोघांचे लग्न २६ फेब्रुवारीला होणार असून त्यानंतर ४ मार्चला हैदराबादमध्ये भव्य रिसेप्शनचे आयोजन करण्यात येणार आहे.
ही निमंत्रण पत्रिका विजय देवरकोंडाची आहे ज्यात लिहिले आहे की, “मी तुम्हाला एक विशेष आनंदाची बातमी देण्यासाठी आणि या ऐतिहासिक क्षणाचा भाग होण्यासाठी आमंत्रित करत आहे. आमच्या कुटुंबीयांच्या प्रेमाने आणि आशीर्वादाने, रश्मिका आणि मी २६ फेब्रुवारी २०२६ रोजी एका छोट्या आणि खासगी समारंभात लग्न करणार आहोत”.
निमंत्रण पत्रिकेत पुढे म्हटलं आहे की, “आम्ही या नवीन अध्यायाची सुरुवात करत असताना, आमची एकता साजरी करत आणि आठवणी निर्माण करत असताना, आमच्या प्रवासाचा एक भाग असलेल्या लोकांसोबत साजरे करणे आमच्यासाठी खूप अर्थपूर्ण आहे. तुमची उपस्थिती आणि आशीर्वाद हा सोहळा आमच्यासाठी आणखी खास बनवेल. आमच्या विवाह सोहळ्याला उपस्थित राहून आशीर्वाद देण्यासाठी आम्ही तुम्हाला मनापासून आमंत्रित करतो”.
या मॅसेजच्या शेवटी लिहिले आहे, “आम्ही हा क्षण एकत्र साजरा करण्यास उत्सुक आहोत. शुभेच्छा, विजय (रश्मिका आणि माझ्याकडून). आता हे कार्ड खरोखर विजय-रश्मीकाच्या लग्नाचे आहे की त्यांच्या लग्नाच्या नावाने आणखी काही कार्ड व्हायरल होत आहे याची पुष्टी झालेली नाही.
