बॉलिवूडच्या काही लोकप्रिय जोड्यांपैकी एक जोडी म्हणजे अभिनेता पुलकित सम्राट व अभिनेत्री क्रिती खरबंदा. दोघेही गेल्या चार वर्षांपासून एकमेकांना डेट करत असून गेले काही दिवस ते लिव्ह-इन-रिलेशनशिपमध्यए राहत होते. या लोकप्रिय जोडीचा बराच मोठा चाहतावर्ग आहे. दोघे सोशल मीडियावर चांगलेच सक्रिय असतात. त्यांचे अनेक फोटो व व्हिडीओ शेअर करत ते चाहत्यांच्या संपर्कात राहत असतात. अशातच त्यांच्याविषयीची एक मोठी अपडेट समोर येत आहे.
अभिनेता पुलकित व क्रिती यांनी त्यांच्या नात्याबद्दल सांगितल्यापासून चाहत्यांना दोघांच्या लग्नाविषयी उत्सुकता लागून राहिली होती. अशातच दोघांनी गुपचुप साखरपुडा उरकला असल्याची बातमी समोर येत आहे. त्यांच्या साखरपुड्याचे काही खास फोटो सोशल मीडियावरव्हेरल होत असून या फोटोंवर चाहत्यांनी लाईक्स व कमेंट्सद्वारे कौतुकाचा वर्षाव केला आहे.
आणखी वाचा – बालीमध्ये हनिमून, मॅचिंग टॅटू, अन्…; आयरा-नूपुरची लग्नानंतरची पहिली ट्रीप, फोटो तुफान व्हायरल
पुलकित व क्रिती यांच्या साखरपुड्याच्या या व्हायरल फोटोंमध्ये क्रितीने सोनेरी किनार असलेल्या रॉयाल ब्लु रंगाचा अनारकली ड्रेस परिधान केला आहे. तर पुलकितने सुंदर नक्षीकाम असलेला पांढऱ्या रंगाचा कुर्ता परिधान केला आहे. या व्हायरल फोटोंमध्ये त्यांच्या बोटात अंगठी दिसत आहे. फोटोमध्ये दोघेही खूप खुश दिसत आहेत. चाहत्यांनी या फोटोखाली कमेंट्समध्ये त्यांना शुभेच्छा दिल्या आहेत. तसेच अनेकांनी लग्नासाठी उत्सुक असल्याचेही म्हटले आहे.
क्रिती आणि पुलकित हे दोघेही पहिल्यांदाच चित्रपटाच्या सेटवर एकमेकांना भेटले होते. दोघांनी पहिल्यांदा ‘पागलपंती’ चित्रपटात एकत्र काम केलं होतं. त्यानंतर त्यांच्यात मैत्री झाली आणि त्या मैत्रीचं रूपांतर प्रेमात झालं. पुलकितने २०१४ मध्ये श्वेता रोहिराशी पहिलं लग्न केलं होतं. लग्नाच्या एका वर्षानंतरच त्यांच्या नात्यात दुरावा आला. नंतर त्यांचा घटस्फोट झाला. त्यानंतर पुलकित आणि क्रिती यांच्या प्रेमाला सुरुवात झाली.
