बॉलिवूड अभिनेत्री कंगना रणौत ही गेल्या काही दिवसांपासून खूप चर्चेत आहे. नुकतेच भारतीय जनता पक्षाने तिला हिमाचल प्रदेशातील मंडी या भागातून निवडणुकीचे तिकीट दिले आहे. लोकसभा निवडणूक २०२४ च्या निवडणुकांच्या उमेदवारांची यादी जाहीर करण्यात आली. या यादीमध्ये कंगनाचेही नाव समाविष्ट असल्याचे दिसून आले. त्यानंतर सर्व स्तरातून आश्चर्य व्यक्त केले गेले. अशातच तीच्या कही जुन्या मुलाखतीचे विवादात्मक व्हिडीओदेखील व्हायरल झाले. त्यामुळे आता ती पुन्हा चर्चेत आली आहे. (kangana ranaut on sunny leone)
कंगनाला तिकीट मिळाल्यानंतर तीचे अनेक जून व्हिडीओ व ट्विट समोर येताना पाहायला मिळत आहे. त्यातील एक म्हणजे कंगना व उर्मिला मातोंडकर यांचा वाद. कंगनाने २०२० साली उर्मिलाबाबत एक विवादात्मक भाष्य केले होते. उर्मिलाला कंगनाने ‘सॉफ्ट पॉर्न स्टार’ म्हणून संबोधले होते. त्यावर दोघींमध्ये खूप वाद झाले होते. त्याबद्दल कंगनाला विचारले असतं तिने यामध्ये अभिनेत्री सनी लिओनीबद्दलही वक्तव्य केलं होतं. ती म्हणाली की, “सॉफ्ट पॉर्न स्टार किंवा पॉर्न स्टार हे शब्द आपत्तीजनक आहेत? नाही. यामध्ये काहीही आपत्ती जनक नाही. हा एक असा शब्द आहे ज्याला समाजाने स्वीकारले नाही”.
पुढे ती म्हणाली की, “आपल्या देशामध्ये जितका पॉर्नस्टारला सन्मान मिळतो तितका पूर्ण जगात कुठेही मिळत नाही. याबद्दल हवे असल्यास सनी लिओनीला विचारा”.
दरम्यान उर्मिलावर प्रतिक्रिया देत म्हणाली की, “मला उर्मिला यांच्यावर बोलण्यास सांगितले होते. मला भाजप कोणत्या आधारावर राजकारणात आणण्यासाठी विचार करेल? त्यावर माझे उत्तर होते की कलेची विविध क्षेत्र आहेत. यामध्ये अनेक कला आहेत ज्यामध्ये शारीरिक स्वरूपात उत्तेजना मिळते. पण हे देखील कलेचे एक रूप आहे. पण जी बौद्धिक कला आहे त्यासमोर ही कला फिकी पडते”.
पुढे ती म्हणाली की, “मी व्यक्तीगत स्वरूपात मान्य करते की मी या क्षेत्रातून समोर आले आहे. मी कधीही आयटम सॉंग केले नाही. त्यामुळे मी इतकंच म्हणाले की उर्मिला जर एखाद्या पक्षात सहभागी होत असेल तर मी साहजिकच चांगले काम केले आहे आणि मला देखील ही संधी मिळू शकते”.
दरम्याने तिने उर्मिलावर केलेल्या वक्तव्यावर कंगना सारवासारव करताना दिसून आली. उर्मिलाला २०१९ साली दक्षिण मुंबईमधून लोकसभेचे तिकीट मिळाले होते. तेव्हा ती कॉँग्रेसमध्ये सहभागी झाली होती. पण नंतर तिने शिवसेनेबरोबर हातमिळवणी केली.
