उत्तर प्रदेशच्या अयोध्येमध्ये राम मंदिराच्या उद्घाटनाची संपूर्ण देश आतुरतेने वाट पाहत आहे. २२ जानेवारी रोजी अयोध्येत होणाऱ्या रामलल्लाच्या प्राणप्रतिष्ठा सोहळ्यासाठी चित्रपटसृष्टीतील अनेक कलाकार मंडळी सहभागी होणार आहेत. यावेळी बॉलिवूड अभिनेत्री हेमा मालिनी यादेखील या खास कार्यक्रमात त्यांचा एक परफॉर्मन्स सादर करणार आहेत. स्वत: हेमा मालिनी यांनी एक खास व्हिडिओ शेअर करत ही माहिती दिली आहे. त्या रामायणावर आधारित नृत्यनाटिका सादर करणार असून त्या आणि त्यांची टीम याची तयारी करत आहे.
हा व्हिडीओच्या सुरुवातीलाच त्यांनी जय श्री राम म्हटले. तसेच हा व्हिडीओ शेअर करत त्यांनी असे म्हटले आहे की, “मी पहिल्यांदाच अयोध्येत येत आहे आणि तेही अशा वेळी जेव्हा राम लल्ला मंदिराचे उद्घाटन होणार आहे. पद्मविभूषण तुलसीपीठाधीश्वर जगद्गुरू रामानंदाचार्य स्वामी रामभद्राचार्यजी महाराज यांचा ७५वा जयंती अमृत महोत्सव १४ ते २२ जानेवारी या कालावधीत साजरा होत आहे.”
#WATCH | BJP leader Hema Malini says, "…I am coming to Ayodhya for the first time at the time of the 'pranpratishtha' of Ram Temple for which people were waiting for years…On January 17, I'll be presenting a dance drama based on Ramayana in Ayodhya Dham…"
— ANI (@ANI) January 14, 2024
(Source: Hema… pic.twitter.com/TjY34WTFNO
हेही वाचा – मिताली मयेकरच्या साध्या पण हटके मंगळसूत्राच्या डिझाइनने वेधलं लक्ष, आहे फारच खास, फोटो सोशल मीडियावर व्हायरल
यापुढे त्यांनी असे म्हटले की, “तेव्हा या मंदिराच्या उद्घाटनाच्या निमित्ताने १७ जानेवारी २०२४ रोजी संध्याकाळी ७ वाजता श्री अयोध्या धाम येथे माझ्या संपूर्ण टीमसह रामायणावर आधारित एक नृत्यनाट्य सादर करणार आहे. चला तर मग आपण सगळे मिळून हा खास सोहळा साजरा करण्यासाठी अयोध्या धाममध्ये एकत्र येऊ या.”
दरम्यान, अक्षय कुमार, कंगना रणौत, टायगर श्रॉफ, जॅकी श्रॉफ, हरिहरन, रजनीकांत, अमिताभ बच्चन, रणबीर कपूर, आलिया भट्ट आणि रणदीप हुडा यांच्यासह अनेक मान्यवर मंडळींना अयोध्येतील राम मंदिर ‘प्राण प्रतिष्ठा’ सोहळ्यासाठी आमंत्रण मिळाले आहे.
