बॉलिवूड अभिनेत्री अथिया शेट्टी ही नुकतीच खूप चर्चेत आली आहे. अभिनेते सुनील शेट्टी यांच्या नुकत्याच एका केल्या गेलेल्या विधानामुळे अथिया गरोदर असल्याच्या चर्चा सुरु झाल्या होत्या. त्यामुळे आता सुनील लवकरच आजोबा होणार असेही बोलण्यात येऊ लागले. पण या चर्चांना आता पूर्णविराम लागण्याची शक्यता आहे. सुनील यांनी केलेले विधान हे गमतीशिर होते असे सूत्रांनी सांगितले असून सध्या अथिया व के.एल.राहुल आई वडील होणार नाहीत असे सांगण्यात येत आहे. (Athiya shetti pregnancy)
नुकतेच एका डान्स शो ‘डान्स दिवाने’मध्ये ‘आजी आजोबा स्पेशल’ एपिसोडदरम्यान सुनील यांनी आजोबा झाल्यानंतर कसे वागणार असे विचारल्यानंतर सुनील यांनी उत्तर दिले की, “पुढच्या पर्वामध्ये मी आजोबा बनून मंचावर येणार”, असे सांगितले. त्यांच्या या विधानामुळे ते खरच आजोबा होणार अशा चर्चा सुरु झाल्या. पण अथिया व राहुल या दोघांनीही यावर कोणतीही प्रतिक्रिया दिली नाही. पण ‘हिंदुस्तान टाइम्स’ च्या रिपोर्टनुसार, “अथिया सध्या गरोदर नसून या बातम्यांमध्ये कोणतेही तथ्य नाही. सुनील शेट्टी यांनी आजोबा बनण्याचे जे विधान केले ते खूपच अनौपचारिक होते. त्यांच्या बोलण्याचा सर्वांनीच चुकीचा अर्थ काढला आहे”, असे सांगितले आहे.
तसेच अंतर्गत सुत्रांनी सांगितले की, “ही एक प्रकारची मस्करी होती. सुनील यांनी मजेशीरपणे हे विधान केले होते. त्यांच्या विधानामुळे सर्वांनीच हा अर्थ कसा काय काढला? हा प्रश्न सर्वांना पडला आहे. ही चर्चा त्यांना अजिबात करायची नव्हती. अनेकांनी पूर्ण व्हिडीओ न बघता केवळ सोशल मीडियावर हा व्हिडीओ व्हायरल करत आहेत”.
तसेच सूत्रांनी सांगितले की, “आथिया व राहुल हे दोघेही आपल्या वैवाहिक जीवनात खूप खुश आहेत. त्यांना आपले कुटुंब वाढवायचे आहे पण सध्या ते तयार नाहीत. सध्या तरी अथिया गरोदर असल्याच्या वृत्तामध्ये कोणतेही तथ्य नाही. जेव्हा हे खरे असेल तेव्हा मात्र याची माहिती ते स्वतः देतील. संपूर्ण कुटुंब समोर येईल आणि त्याबद्दल माहिती देईल. ही शेट्टी कुटुंबाची परंपरा आहे. त्यामुळे सुनील यांचे विधान एक मस्करी म्हणून घ्यावे”.
त्यामुळे सध्या तरी अथिया गरोदर नाही असे स्पष्ट होत आहे. तसेच लवकरच ती एखाद्या चित्रपटामध्ये दिसेल अशी अपेक्षा आहे.
