Anushka sharma virat kohli : नेहमीप्रमाणे विराट कोहली आणि अनुष्का शर्मा यांनी पुन्हा एकदा प्रेमानंद जी महाराजांचा आशीर्वाद घेतला आहे. दरवर्षीप्रमाणे यंदाही हिवाळ्यात अनुष्का शर्मा पती विराट कोहलीसोबत बाबाजींच्या आश्रमात पोहोचली. या दोघांनी हिवाळ्यातील कपडे घातले होते. थंडीतही त्यांची श्रद्धा आणि भक्ती कमी झाली नाही. दोघेही खाली बसून महाराजांशी बोलतांना दिसले. अनुष्का शर्मा आणि विराट कोहली हे वृंदावनचे बाबा प्रेमानंद महाराजांचे परम भक्त आहेत. ते दोघेही दरवर्षी हिवाळ्यात बाबाजींच्या दर्शनासाठी येतात. सर्वांना माहित आहे की, सध्या फुटबॉलपटू मेस्सी भारतात आहे आणि प्रत्येक सेलिब्रिटी त्याला भेटायला जात आहे, जेव्हा अनुष्का-विराट देखील भारतात आले होते, तेव्हा ते मेस्सीला भेटल्याची चर्चा होती पण दोघांनी तसे केले नाही, उलट ते वृंदावन येथील प्रेमानंद महाराजांच्या घरी पोहोचले आहेत.
अनुष्का शर्मा पती विराटसोबत प्रेमानंद महाराज यांच्या आश्रमात बसलेली दिसत आहे. त्यांच्या कपाळावर टिळक आहे आणि महाराज बोलत असताना त्यांचे बोलणे लक्षपूर्वक ऐकताना अनुष्काचे डोळे भरुन आलेले दिसत आहेत. प्रेमानंद त्यांना सांगतात, “तुमच्या कार्याला सेवा समजा, गंभीर व्हा, नम्र व्हा आणि नामस्मरण करा. जो माझा खरा बाप आहे त्याला एकदा पाहण्याची इच्छा असावी. त्यांना पाहण्याची इच्छा असावी”. ते पुढे त्यांना म्हणतात की, “आम्हांला सर्व सुख मिळाले आहे, आता आम्हाला तुमची इच्छा आहे, आणि जर आम्हाला मिळाले तर सर्व सुख तुमच्या चरणी आहे”.
A post shared by Bhajan Marg Official (@bhajanmarg_official)
अनुष्का म्हणते, “आम्ही तुमचे आहोत, महाराज जी”. तर बाबा म्हणतात, “आम्ही सर्व श्रीजींचे आहोत. त्याच्या संरक्षणाखाली आहोत. आपण सर्व त्यांची मुले आहोत”. प्रेमानंद जी सतत त्या दोघांना अनेक गोष्टी समजावून सांगतात. जेव्हा ते गोष्टी समजावून सांगतात तेव्हा विराट कोहली लहान मुलासारखे डोके हलवतो. अनुष्का शर्मा आणि विराट कोहली बाबांच्या आश्रयाला जाण्याची ही पहिलीच वेळ नाही. तो सतत वृंदावनला जात असतो. यापूर्वी दोघेही मुलांसोबत गेले होते. अकाय आणि वामिकानेही बाबाजींचे आशीर्वाद घेतले. प्रेमानंद महाराजांना भेट देण्याचा सेलेब्सचा ट्रेंड कायम आहे.
