ईद व बॉलीवूड हे खूप जुनं नातं आहे. ईदच्या दिवशी बॉलीवूडमधील खान मंडळी नेहमी एक जबरदस्त चित्रपट नेहमी प्रेक्षकांच्या भेटीला आणत असतात. अधिकतर बॉलिवूड अभिनेता सलमान खान या दिवशी एक नवीन चित्रपट प्रदर्शित करणारच अशी धारणा त्याच्या चाहत्यांनी झाली आहे. अशातच त्याने आता त्याच्या चाहत्यांना ईदच्या दिवशी आनंदाची बातमी दिली आहे. त्याने आज २०२५ मध्ये नवीन चित्रपट घेऊन येणार आधी घोषणा केली आहे. यामुळे त्याच्या चाहत्यांना खूप आनंद झाला आहे. (salman khan upcoming movie)
२०२५ मध्ये ईदच्या दिवशी सलमानच्या चाहत्यांना जबरदस्त चित्रपटाची मेजवानी मिळणार आहे. सलमान आता सुप्रसिद्ध निर्माते साजिद नाडियाडवाला व व्हिजनरी दिग्दर्शक ए. आर. मुरुगाडोस यांच्याबरोबर मिळून एक नवीन चित्रपट बनवणार आहेत. आज ईदच्या मुहूर्तावर त्यांनी या चित्रपटाचे नाव समोर आणले आहे. २०२५ साली सलमान जो चित्रपट प्रेक्षकांच्या भेटीला येणार आहे त्याचे नाव ‘सिकंदर’ आहे. या चित्रपटातून तो पुन्हा एकदा प्रेक्षकांचे मनोरंजन करताना दिसणार आहे.
याबद्दल त्याने स्वतः सोशल मीडियावर पोस्ट करत माहिती दिली आहे. त्याने चित्रपटाचे पोस्टर शेअर करत आणि ईदच्या शुभेच्छा देत लिहिले आहे की, “या ईदला ‘बडे मिया छोटे मिया’ व ‘मैदान’ पहा आणि पुढच्या ईदला ‘सिकंदर’ तुमच्या भेटीला येणार आहे. सर्वांना ईदच्या शुभेच्छा. त्याच्या या पोस्टवर नेटकाऱ्यांनी अनेक प्रतिक्रिया दिल्या आहेत.
आणखी वाचा- Video : सुप्रसिद्ध अभिनेत्याच्या बाथरुममध्ये चक्क साप, व्हिडीओ शेअर करत दाखवली संपूर्ण घटना, म्हणाला, “फ्लश हँडलजवळ साप पडला अन्…”
सलमानने शेअर केलेल्या पोस्टवर एका नेटकाऱ्याने लिहिले आहे की, “तुमच्याशिवाय ईद अधुरी वाटत आहे”, दुसऱ्या नेटकाऱ्याने लिहिले आहे की, “तुमच्या चित्रपटाची आम्ही वाट पाहत आहोत”, अजून एका नेटकाऱ्याने लिहिले आहे की, “भाईजान इज बॅक”, यावरुन सलमानचे चाहते त्याच्या चित्रपटाची आतुरतेने वाट बघत असल्याचे दिसून येत आहे.
‘सिकंदर’ चित्रपटाआधी सलमानने साजिदबरोबर मिळून ‘जुडवा’, ‘किक’, ‘मुझसे शादी करोगी’ असे अनेक दमदार चित्रपट केले आहेत. हे सर्व चित्रपट बॉक्स ऑफिसवर तुफान हीट झाले होते. आता ‘सिकंदर’ काय कमाल दाखवतो हे पाहणे औत्सुक्याचे ठरणार आहे.