रणवीर सिंग व दीपिका पदुकोण यांनी काही दिवसांपूर्वीच चाहत्यांसह आनंदाची बातमी शेअर केली. दोघांनी आई-बाबा होणार असल्याची गुडन्यूज सोशल मीडियावरुन शेअर केली. त्यावेळी दोघांवर शुभेच्छांचा भरभरुन वर्षावही झालेला पाहायला मिळाला. २९ फेब्रुवारी रोजी दोघांनी ही आनंदाची बातमी वेगळ्या पद्धतीने दिली. रणवीर-दीपिका सप्टेंबर २०२४ मध्ये त्यांच्या पहिल्या मुलाचे स्वागत करणार असल्याचे पोस्टच्या माध्यमातून समोर आले आहे. अशातच रणवीर सिंगने आतापासूनच तयारी सुरु केली असल्याचं समोर आलं आहे. (ranveer singh and ranbir kapoor)
अभिनेत्याने रणबीर कपूरकडून चांगला वडील बनण्यासाठी टिप्स घेतल्या आहेत. रणबीर कपूर व आलिया भट्ट यांनी गेल्या वर्षीच एका मुलीला जन्म दिला. त्यांच्या मुलीचे नाव राहा कपूर असे आहे. यानंतर आता रणवीर सिंग आता वडील होणार आहे. अलीकडेच रणवीर व रणबीर यांनी अनंत अंबानींच्या प्री-वेडिंग फंक्शनमध्ये हजेरी लावली होती. यावेळी पार्टीतील एका व्यक्तीने बॉलीवूड लाईफला सांगितले की, रणवीर सिंग हा रणबीर कपूरच्या वडील झाल्यानंतरच्या प्रवासाने खूप प्रभावित झाला होता आणि याबाबत दोघांनी याबद्दल खूप चर्चा केली.
सूत्राने सांगितले की, रणवीर सिंगने रणबीर कपूरकडून पालकत्वाच्या टिप्स घेतल्या. आपल्या मुलीच्या आगमनानंतर रणबीरने पॅरेंटल रजा घेतल्याने रणवीरही खूप प्रभावित झाला होता. आता रणवीर सिंगही असेच करण्याचा विचार करत असल्याची बातमी आहे. रणवीरला ब्रेक घ्यायचा आहे आणि संपूर्ण गरोदरपणात पत्नी दीपिकाची काळजी घ्यायची आहे.
‘बॉलीवूड लाइफ’ला या जोडप्याच्या जवळच्या एका सूत्राच्या हवाल्याने सांगितले की, रणवीर सिंग दीपिका आणि त्यांच्या बाळाबरोबर राहण्यासाठी एक वर्षाची प्रसूती रजा घेण्याचा विचार करत आहे. दीपिका पदुकोणनेही प्रसूती रजा घेण्याची तयारी केली आहे. रणवीर सिंगने पुढच्या वर्षी ‘डॉन ३’, ‘शक्तिमान’ आणि आदित्य धरचे ॲक्शन चित्रपट सुरु होण्यापूर्वी कोणताही प्रोजेक्ट न करण्याचा निर्णय घेतला आहे, जेणेकरून तो दीपिका आणि त्यांच्या होणाऱ्या बाळाबरोबर वेळ घालवू शकेल.
