Tahira Kashyaps Breast cancer Repeat : बॉलिवूड अभिनेता आयुष्मान खुरानाची पत्नी चित्रपट निर्माती आणि लेखिका ताहिरा कश्यप हिने २०१८ मध्ये स्टेज 0 ब्रेस्ट कैंसर (डक्टल कार्सिनोमा इन सिटू) या आजाराशी लढा दिला. आणि या आजारातून ती बाहेर पडली. दुर्दैवाने, आता पुन्हा ताहिराला कर्करोग झाल्याचे उघड झाले आहे. अभिनेत्याच्या पत्नीने तिच्या सोशल मीडियावर पोस्ट शेअर करत या आजाराबाबत माहिती दिली. ताहिरा कश्यपला २०१८ मध्ये स्तनाच्या कर्करोगाबद्दल कळले. या भावनिक काळात, जीवित वाचलेल्या लोकांसाठी नियमित मैमोग्राम या विषयाला महत्त्व देत जोर दिला आणि त्याचे निदान शेअर केले. या आव्हानात्मक काळात, तिला सोशल मीडियावर प्रेम आणि पाठिंबा दर्शविला गेला.
ताहिराने पोस्टमध्ये लिहिले आहे की, “सात वर्ष सततची येणारी खाज आणि नियमित तपासणी करण्याची शक्ती हा एक दृष्टीकोन आहे. मला या लोकांसह जायचे आहे आणि ज्यांना नियमित मॅमोग्राम तपासायची आवश्यकता आहे अशा सर्वांसाठी हे सुचवायचे आहे. माझ्यासाठी दुसरी फेरी…मला अजूनही हे कळतंच आहे”.
“जेव्हा आयुष्य आपल्याला लिंबू देते तेव्हा लिंबू पाणी बनवा”, ताहिराचे भाष्य
या पोस्टच्या कॅप्शनमध्ये ताहिरा म्हणाली, “जेव्हा आयुष्य आपल्याला लिंबू देते, तेव्हा त्याचे लिंबू पाणी बनवा”. जेव्हा आयुष्य खूप उदार होते आणि पुन्हा त्या लिंबांना आपल्यासमोर फेकते तेव्हा आपण शांतपणे आपल्या आवडत्या काळा खट्टामध्ये ती लिंब पिळून ते पेय पिण्याचा आस्वाद घ्या. कारण ते एक चांगले पेय आहे आणि दुसरे आपल्याला माहित आहे की आपण पुन्हा एकदा आपले सर्वोत्तम देऊ”.
आणखी वाचा – ‘जयभीम पँथर’ चित्रपटाचा धमाकेदार ट्रेलर प्रदर्शित, गौरव मोरेच्या भूमिकेची कमाल, लवकरच प्रेक्षकांच्या भेटीला
ताहिराने कर्करोगावर काय म्हटले
ताहिराने अलीकडेच कर्करोगाशी लढा देण्याच्या आव्हानांविषयी भाष्य केलं. एएनआयशी संवाद साधताना ताहिरा म्हणाली, “कर्करोग हा एक प्रवास आहे जो आपली शक्ती, लवचिकता आणि विश्वासाची चाचणी घेतो. तथापि, लवकर निदान आणि परवडणारे उपचार ही जगण्याची गुरुकिल्ली आहे आणि अशा सरकारी योजनांमुळे आता लाखो लोक चांगल्या भविष्याची अपेक्षा करु शकतात. आम्ही एकत्र कर्करोगाला पराभूत करु शकतो”.
