बॉलिवूडचा खिलाडू म्हणजेच अक्षय कुमार नेहमीच आपल्या नवनवीन चित्रपटातून प्रेक्षकांच्या भेटीला येत असतो. त्याने आपल्या अभिनयातून प्रेक्षकांची मनं जिंकली आहेत. मागील ३० वर्षांहून अधिक काळ तो अभिनय क्षेत्रात कार्यरत आहे. अक्षयने आजवर बरेच विविध प्रकारचे चित्रपट केले आहेत. त्या यादीत अगदी विनोदी चित्रपटांपासून ते देशभक्तीपर चित्रपटांचाही समावेश होतो. प्रत्येक चित्रपटातून तो वेगळ्या अंदाजात प्रेक्षकांच्या भेटीला येत असतो. सध्या तो त्याच्या नवीन ‘मिशन राणीगंज’ या चित्रपटातून प्रेक्षकांच्या भेटीला आला आहे. जो या महिन्याच्या ६ तारिखला प्रदर्शित झाला. या चित्रपटामुळे तर तो चर्चेत आहेच पण त्याने सोशल मीडियावर एक पोस्ट शेअर केली आहे. ज्यात त्याने आपल्या मनातील गोष्ट बोलून दाखवली. त्यामुळे तो विशेष चर्चेत आला आहे. (Akshya kumar shares him first love picture)
अक्षय कुमार ५६ वर्षाचा आहे पण नेहमी त्याच्या फिटनेसने तो नेहमी तरुणांना लाजवताना दिसतो. सध्या अक्षयला त्याच्या तरूणपणाचे दिवस आठवत आहे. नुकतंच त्याने त्याच्या तरुणपणातील फोटो शेअर केला. त्यात अक्षयने त्याच्या मनातील गोष्ट व त्याच्या पहिल्या प्रेमाबद्दल वक्तव्य केलं. त्याने शेअर केलेला फोटो या त्याच्या तरुणपणीचा म्हणजेच तो २३ वर्षाचा असतानाचा आहे. फोटोत अक्षयने पांढऱ्या व निळ्या रंगाच्या लाईंनिग असलेलं शर्ट घातलं आहे. हातात घड्याळ, कडक इस्त्री आणि त्याची ती स्पेशल हेअरस्टाईल त्यामुळे तो फोटोत खूप देखणा दिसत आहे. त्याच्या या फोटोने नक्कीच त्याच्या चाहत्यांना त्याचा जुन्या चित्रपटांची आठवण करून दिली असेल.
या फोटोला कॅप्शन देत तो लिहितो, “आपलं पहिलं प्रेम नेहमी आपल्यासाठी खास असतं आणि माझा हा फोटो सुद्धा तितकाच खास आहे. हा फोटो तेव्हा काढला होता जेव्हा मी २३ वर्षांचा होतो. पहिल्यांदा मी तेव्हा कॅमेऱ्या सामोरं आलो. मला हे कळण्याआधीच ते माझं पहिलं प्रेम बनलं होतं. तुमच्या प्रेमासाठी खूप धन्यवाद!”, असं लिहीत अक्षयने त्याच्या आयुष्यातील त्याचं पहिलं प्रेम त्याच्या चाहत्यांबरोबर शेअर केलं.
या फोटोवर नेटकऱ्यांनी कमेंट व लाईकचा वर्षाव केला. अक्षयच्या चाहत्यांनी तर त्याला ९० च्या दशकातील तो सगळ्यात देखणा अभिनेता असल्याचं सांगितलं. तर एका नेटकऱ्याने लिहीलं, ‘माझं तुमच्यावर तेव्हाही प्रेम होतं आजही आहे आणि नेहमीच राहिलं’, असं कमेंट करत त्याने अक्षयवरील त्याच प्रेम दर्शवलं.