बॉलिवूड अभिनेत्री शिल्पा शेट्टी हिचे पती राज कुंद्रा यांनी ट्विटरवरुन नुकत्याच केलेल्या एका पोस्टने सर्वांना धक्का बसला आहे. राज कुंद्रा याने त्यांच्या ट्विटरच्या ऑफिशिअल अकाऊंटवरून वेगळे होण्याची घोषणा केली आहे. या पोस्टमध्ये मात्र शिल्पाचा उल्लेख न करता त्यांने लिहिले आहे की, “आम्ही वेगळे झालो आहोत आणि या कठीण काळात आम्हाला वेळ द्यावा अशी विनंती करतो.” राज कुंद्रा आणि शिल्पा शेट्टी यांनी २००९साली लग्न झालं. त्यांना विआन व समिशा अशी दोन मुले आहेत. (Shilpa Shetty and Raj Kundra divorce Rumours)
राज कुंद्रा याने केलेल्या गुपित पोस्टने अनेकांना आश्चर्य वाटले आहे. अद्याप या पोस्टमागील गुपित उलगडलं नाही आहे. त्यामुळे खरंच शिल्पाचा घटस्फोट होणार की नाही हे समोर आलेलं नाही. दरम्यान राज कुंद्रा याच्या या पोस्टला पाहता सोशल मीडियावर अनेकांनी कमेंट करायला सुरुवात केली आहे. काहींनी त्याचा बायोपिक ‘UT 69’ रिलीज होण्यापूर्वी चित्रपटाला घेऊन केलेलं “प्रमोशनल गिमिक” असावं असं म्हटलं आहे.
तर आणखी एका नेटकऱ्याने कमेंट करत लिहिले आहे की, “दुःख! खरंच धक्कादायक बातमी आहे.” तर आणखी एका युजरने कमेंट करत प्रश्न करत म्हटलं आहे, “विभक्त म्हणजे? घटस्फोट?”. अलीकडेच, राज कुंद्रा त्याच्या बायोपिक ‘UT 69’ च्या ट्रेलर लाँचच्या वेळी पोर्न स्कँडलमध्ये तुरुंगात असलेल्या त्याच्या काळाबद्दल बोलत असताना भावुक झालेला पाहायला मिळाला. दरम्यान त्याने रडत म्हटलं, “फॅमिली पे मत जाओ यार, क्या बिगडा है मैं?”.
We have separated and kindly request you to give us time during this difficult period ????????
— Raj Kundra (@onlyrajkundra) October 19, 2023
तसेच पत्रकार परिषदेच्या दुसर्‍या भागात राज म्हणाला, “मी फक्त वेदनांमुळे मास्क घातला होता. मीडियाला सामोरं जाणं खूप वेदनादायक होतं. खरं तर, माझ्या कायदेशीर चाचणीपेक्षा ते अधिक वेदनादायक होतं. मी मीडियाला दोष देत नाही कारण ते त्यांचे काम करत होते परंतु ते इतकं वेदनादायक होतं की, मला मुखवटा घालून फिरावं लागलं.”
