Nupur Shikhare and Ira Khan Marriage : बॉलिवूडचा ‘मिस्टर परफेक्शनिस्ट’ आमिर खानची मुलगी आयरा खान नुकतीच बॉयफ्रेंड नुपूर शिखरेबरोबर विवाहबंधनात अडकली आहे. गेले दोन दिवस त्यांच्या लग्नाआधीच्या विधींना सुरुवात झाली असल्याचे पाहायला मिळाले आहे. अगदी मराठमोळ्या व महाराष्ट्रीयन पद्धतीने या विधी पार पडल्या. अशातच काल (3 जानेवारी) रोजी दोघांचे नोंदणी पद्धतीने लग्न पार पडले आहे. त्यांच्या लग्नातील काही खास फोटो व व्हिडीओ सोशल मीडियावर व्हायरल होत आहेत. आयरा-नुपूर यांच्या लग्नाला जवळचे कुटुंबीय, मित्रपरिवार व काही खास लोकांनी देखील हजेरी लावली होती. उद्योजक मुकेश अंबानी यांनीही पत्नी नीता अंबानीसह या लग्नाला विशेष हजेरी लावली होती. (Nupur Shikhare and Ira Khan Marriage)
गेले काही दिवस आयरा-नुपूर यांचे लग्न विशेष चर्चेत होते. गेले काही दिवस त्यांच्या घरात लग्नानिमित्त अनेक विधी व सोहळे होत असल्याचे पाहायला मिळाले. नुकताच त्यांचा हळदी समारंभ झाला, यात किरण राव व रीना दत्त यांनी केलेल्या मराठमोळ्या लूकमुळे ते चांगलेच चर्चेत आले होते. अशातच आता लग्नात आयरा-नुपूर यांनी परिधान केलेल्या ड्रेसमुळे हे दोघेदेखील चांगलेच चर्चेत आले आहेत.
आणखी वाचा – आमिर खानच्या लेकीची कमाई किती?, वर्षभरात कमावते इतके कोटी, स्वत:ची प्रॉपर्टी आहे अन्…
आयरा खानने लग्नात धोती चोली ड्रेस परिधान केला होता. तर नुपूर मात्र त्याच्या लग्नात बनियान व शॉट्सवर असल्याचे पाहायला मिळाले. तर आयराची आई रीना यांनी पंजाबी ड्रेस परिधान केला होता. तर आमिरने लेकीच्या लग्नासाठी ऑफ व्हाइट रंगाचा कुर्ता, धोती आणि त्यावर गुलाबी रंगाचा फेटा परिधान केला होता. तर किरण रावने आयराच्या लग्नात सोनेरी रंगाच्या साडी नेसली होती. तर, नुपूर शिखरेच्या आई प्रीतम शिखरे यांनी लेकाच्या लग्नात लाल रंगाची साडी नेसली होती.
आयरा-नुपूर यांच्या लग्नात अनेक पाहुण्यांची वर्णी लागली असल्याचे पाहायला मिळाले. याचे अनेक फोटो व व्हिडीओ सोशल मीडियावर चांगलेच व्हायरल होत आहेत. आयरा-नुपूर यांच्या लग्नाला मुकेश व नीता अंबानी यांनी देखील वधू वराला आशीर्वाद देण्यासाठी खास हजेरी लावली होती. मुकेश व नीता अंबानींचे आमिरने खास स्वागत केल्याचे सोशल मीडियावरील व्हायरल व्हिडीओमध्ये पाहायला मिळाले. याशिवाय या लग्नाला आणखीही बरेच पाहुणे उपस्थित होते.
दरम्यान, गेल्या काही दिवसांपासून आयरा-नुपूर यांच्या लग्नाची सोशल मीडियावर बरीच चर्चा रंगली होती आणि अखेर ही जोडी आता विवाहबंधनात अडकली आहे. नोंदणी पद्धतीने त्यांचं लग्न पार पडलं असून त्यांच्या लग्नाचे रिसेप्शनही लवकरच होणार आहे. या रिसेप्शन सोहळ्याला बॉलीवूडकरांची मांदियाळी पाहायला मिळेल. या रिसेप्शन सोहळ्यात शाहरुख खानपासून ते सलमान खानपर्यंत सर्व मोठे कलाकार उपस्थित राहण्याची शक्यता आहे. ६ ते १० जानेवारी दरम्यान दोन रिसेप्शन पार्टीचं आयोजन करण्यात आलं आहे. यापैकी एक रिसेप्शन दिल्ली येथे तर दुसरे रिसेप्शन जयपूरमध्ये होणार असल्याचे म्हटले जात आहे.