बॉलिवूडचा मिस्टर परफेक्शनिस्ट आमिर खानच्या घरात लवकरच लगीनघाई सुरु होणार आहे. लवकरच आमिरची मुलगी इरा खान तिच्या बॉयफ्रेंड नुपूर शिखरेबरोबर विवाहबंधनात अडकणार आहे. पुढच्या वर्षी ३ जानेवारी २०२४ला हे जोडपं लग्न करणार असून सध्या आमिरच्या मुलीची लग्नापूर्वीचे कार्यक्रम सुरु झाले आहेत. शुक्रवारी इराच्या व नुपूरच्या लग्नाच्या लग्नाआधीच्या विधीला सुरुवात झाली. काल या दोघांचं पहिलं केळवण पार पडलं. याचे फोटो सध्या सोशल मीडियावर बरेच व्हायरल होत आहेत. (ira khan and nupur shikhare pre wedding functions)
इराने काही काळ नुपुरला डेट केल्यानंतर या दोघांनी नोव्हेंबर २०२२ मध्ये साखरपुडा उरकला. आता या जोडप्याचा २०२४ मध्ये लग्नाचा मुहुर्त ठरला आहे. त्याअगोदरच्या लग्नाच्या विधींना आता नुकतीच सुरुवात झाली. इराचा होणारा नवरा हा महाराष्ट्रीयन आहे. त्यामुळे महाराष्ट्रीयन पद्धतीत केळवण हा प्रकार खूप महत्त्वाचा असतो. कालचा हा सोहळ्या अगदी साध्या पद्धतीत पण धमाकेदार साजरा झाला. यावेळी इराची खासची मैत्रिण अभिनेत्री मिथिला पालकरही तिच्यासह फोटोत दिसली.केळवण या लग्नापूर्वीच्या विधीत वधू व वराकडचे कुटुंब स्वादिष्ट पक्वान्न घेऊन एकमेकांना भेटतात. यावेळी ते एकमेकांना लग्नासाठी आमंत्रित करतात. त्यावेळी एकमेकांना भेटवस्तूही दिल्या जातात. या कार्यक्रमाला दोन्हींकडचे नातेवाईकही उपस्थित होते. त्यांच्याकडूनही या जोडप्यांना भेटवस्तू व आशीर्वाद दिले गेला.
सध्या इरा व नुपुरच्या केळवाणाचे फोटो सोशल मीडियावर व्हायरल होत आहेत. या फोटोत इरा खूप सुंदर दिसत आहेत. तिने गुलाबी- पांढऱ्या रंगाची साडी नेसली होती. त्याचबरोबर तिने नाकात महाराष्ट्रीयन पद्धतीची मोत्याची नथ घातली होती. तिच्या पुढ्यात पंजपक्वान्न दिसत आहेत. तर नुपुर तिला चमच्याने भरवताना दिसत आहेत. तर एका व्हिडीओत इराने नुपुरसाठी उखाणा घेत त्याला घास भरवला. त्यावेळी ती म्हणते, “मला मराठी येत नाही पण पपोयसाठी मी कधी नाही म्हणत नाही”, असा खास उखाळा घेतला. या कार्यक्रमाला रीना दत्ता नुपुरची आई प्रीतम शिखरेबरोबर दिसली.
हे दोघ ३ जानेवारी २०२४ ला कोर्ट मॅरेज करणार आहेत. त्यानंतर ते डेस्टिनेशन वेडिंगसाठी उदयपूरला जाणार आहेत. त्याचबरोबर आमिरने इरासाठी १३ जानेवारीला मुंबईत एक खास वेडिंग रिसेप्शन आयोजित केलं आहे.
