छोट्या पडद्यावरील सर्वात वादग्रस्त व सर्वांचा लोकप्रिय कार्यक्रम म्हणजे ‘बिग बॉस’. हिंदी ‘बिग बॉस’सह प्रेक्षक ‘बिग बॉस मराठी’देखील तितक्याच आवडीनं पाहतात. त्यामुळे ‘बिग बॉस’ मराठीचे पाचवे पर्व कधी येणार? याकडे सर्वांचं लक्ष लागून राहिलेलं असतानाच काही दिवसांपूर्वी ‘बिग बॉस’ मराठी’च्या पाचव्या पर्वाची घोषणा करण्यात आली. एका खास प्रोमोद्वारे ‘बिग बॉस मराठी’च्या पाचव्या पर्वाची घोषणा करण्यात आली. यावेळी महेश मांजरेकरांऐवजी रितेश देशमुख शो होस्ट करणार असल्याचेही समोर आले.
‘बिग बॉस मराठी’चे आतापर्यंत चार पर्व झाले असून येत्या पाचव्या पर्वासाठी सर्वांचीच उत्सुकता शिगेला पोहोचली आहे. ‘बिग बॉस’चे आतापर्यंत चार पर्व झाले असून हे चारही पर्व चांगलेच गाजले. त्यामुळे आता पाचव्या पर्वाची प्रेक्षक आतुरतेने वाट पाहत आहेत. पहिल्या प्रोमोनंतर दुसरा प्रोमो कधी प्रदर्शित होणार? याची चाहत्यांना प्रतीक्षा होती. अखेर ‘बिग बॉस’ प्रेमींची ही उत्सुकता संपली आहे. नुकताच या शोचा एक नवीन प्रोमो प्रेक्षकांच्या भेटीला आला आहे आणि हा नवीन प्रोमो प्रेक्षकांचे चांगलेच लक्ष वेधून घेत आहे.
या नवीन प्रोमोची सुरुवात गेल्या काही पर्वातील स्पर्धकांच्या भांडणाने होते. त्यानंतर रितेश देशमुख त्याचा लोकप्रिय संवाद ‘तंटा नाय तर घंटा नाय’ असं म्हणतो. पुढे निखिल रत्नपारखी यांचीही या प्रोमोमध्ये एंट्री होते आणि ते “‘बिग बॉस’मध्ये हे सगळं असंच असतं” असं म्हणतात. यापुढे रितेश त्याच्या अनोख्या अंदाजात “यापुढे आता हे असंच नसणार. कारण आता मी आलो आहे. त्यामुळे कल्ला तर होणारच, तो पण माझ्या स्टाईलमध्ये” असं म्हणतो.
आणखी वाचा – कर्क व कुंभ राशीच्या लोकांसाठी शनिवारचा दिवस लाभदायक, नोकरी-व्यवसायात होणार लाभ, जाणून घ्या…
या व्हिडीओखाली ‘बिग बॉस मराठी’च्या व रितेश देशमुखच्या अनेक चाहत्यांनी त्यांना हा नवीन प्रोमो आवडला असल्याचे म्हटले आहे. या नवीन प्रोमोला प्रेक्षकांनी लाईक्स व कमेंट्सद्वारे चांगलाच प्रतिसाद दिला आहे. या प्रोमोखाली “लय भारी भाऊ, या सीझनची आम्ही आतुरतेने वाट बघत आहोत, हा शो कधी येणार आहे?” अशा अनेक कमेंट्स नेटकऱ्यांनी केल्या आहेत. तसेच अनेकांनी “प्रदर्शनाची तारीख का जाहीर केली नाही?” असंही विचारलं आहे.
आणखी वाचा – पैसे कमावण्यासाठी अधिपतीचा कुस्ती खेळण्याचा निर्णय, अक्षराला नवऱ्याला साथ देणार का?, दोघांचंही बदलणार आयुष्य
दरम्यान, ‘बिग बॅास’ हा शो म्हणजे चाहत्यांसाठी कायमच औत्सुक्याची व कुतूहलाची बाब राहिली आहे. अशातच ‘बिग बॅास’ मराठीच्या पाचव्या पर्वाचे आलिशान घरही आकार घेऊ लागले आहे. तसेच ‘बिग बॅास’च्या घरातील अतरंगी मोहरे मोहरे नक्की कोण असणार? ‘बिग बॉस’च्या यंदाच्या पर्वात आणखी काय नाविन्य असेल? काय नवीन मनोरंजक पहायला मिळणार? अशा अनेक प्रश्नांकडे प्रेक्षकांचे लक्ष लागून राहिले आहे.
