Sai Lokur Pregnant : ‘बिग बॉस मराठी’ या बहुचर्चिक शोमुळे प्रकाशझोतात आलेली अभिनेत्री म्हणजे सई लोकूर. या शोमध्ये सईचे विविध पैलु पाहायला मिळाले. तिने या शोदरम्यान प्रेक्षकांचं उत्तम मनोरंजन केलं. तसेच स्वतःचा एक वेगळा चाहता वर्ग निर्माण केला. अभिनेता पुष्कर जोगबरोबर सईची असलेली निखळ मैत्री तर प्रेक्षकांच्या विशेष पसंतीस पडली. मात्र या शोनंतर ती तिच्या संसारामध्ये रमली. ‘बिग बॉस मराठी’नंतर सईने लग्न करत चाहत्यांना आनंदाची बातमी दिली. आता पुन्हा एकदा तिने एक खास पोस्ट शेअर करत सगळ्यांना सुखद धक्का दिला आहे.
२०२१च्या नोव्हेंबरमध्ये सईने तीर्थदीप रॉयबरोबर थाटामाटात लग्न केलं. तिच्या लग्नाची सर्वत्र जोरदार चर्चा रंगली. आता सई व तीर्थदीप आई-बाबा होणार आहेत. सईने खास फोटोशूट करत गरोदर असल्याचं सांगितलं आहे. सईने फोटो व व्हिडीओ पोस्ट केल्यानंतर तिच्यावर शुभेच्छांचा वर्षाव होत आहे. शिवाय गरोदरपणात तिने केलेलं फोटोशूट चर्चेचा विषय ठरत आहे.
“आम्हाला सांगण्यास अत्यंत आनंद होत आहे की, आमचं कुटुंब आता पूर्ण होणार आहे” असं सईने फोटो शेअर करत म्हटलं आहे. सईने शेअर केलेल्या फोटोमध्ये ती प्रेग्नंसी टेस्ट स्ट्रीप दाखवताना दिसत आहे. तर एका फोटोमध्ये सई व तीर्थदीपचं लिप किस पाहायला मिळत आहे. या फोटोंमध्ये दोघांच्या चेहऱ्यावरील आनंद स्पष्टपणे दिसत आहे.
सईने याआधीही विविध फोटो व रिल सोशल मीडियाद्वारे शेअर केले. यामध्ये तिचा लूक पाहता तिच्या वाढत्या वजनाबाबत अनेकांनी कमेंटही केल्या होत्या. आता गरोदरपणाची बातमी देताच तिचं वजन कशामुळे वाढलं होतं हे समोर आलं आहे. तर काहींनी म्हणून तुझं वजन वाढलं हे आता आमच्या लक्षात आलं अशाप्रकारच्या कमेंटही केल्या आहेत.
