मराठीसह हिंदी टीव्ही विश्वातील एक चर्चेतला चेहरा म्हणजे शिव ठाकरे. ‘रोडीज’ या हिंदी शोमधून शिव घराघरात पोहोचला. पुढे तो ‘बिग बॉस मराठी’च्या दुसऱ्या पर्वात सहभागी झाला, ज्यात तो विजेता ठरला होता. तो केवळ इथपर्यंत थांबला नाही, तर हिंदी ‘बिग बॉस’, ‘खतरों के खिलाडी’ या कार्यक्रमात सहभागी होत त्याने आपला दमदार खेळ दाखवला. ज्यामुळे त्याचा एक वेगळा चाहतावर्ग निर्माण झाला. या सर्व शोजमुळे त्याला ‘आपला माणूस’ अशी नवी ओळख मिळाली. टीव्ही विश्वातील या मराठमोळा चेहऱ्याने अनेक रिॲलिटी शोज गाजवल्यानंतर आता आणखी एका शोमधून प्रेक्षकांचे मनोरंजन करण्यासाठी सज्ज झाला आहे. (Shiv Thakare in Jhalak Dikhhla Jaa 11)
मॉडेल व अभिनेता शिव ठाकरे लवकरच लोकप्रिय डान्स रिॲलिटी शो ‘झलक दिखला जा’च्या ११व्या पर्वात सहभागी होणार असल्याचं बोललं जात आहे. नुकताच वाहिनीने सोशल मीडियावर एक व्हिडीओ शेअर केला आहे. ज्यामध्ये अभिनेत्याचा एक झलक दाखवण्यात आला आहे. या व्हिडीओमध्ये त्याने आपला चेहरा झाकला आहे. पण चाहते त्याच्या लूकवरून तो शिव ठाकरे असल्याचा अंदाज लावत आहे. त्यामुळे, या पर्वात शिव सहभागी होणार का? हे पाहणे औत्सुक्याचे ठरणार आहे.
हे देखील वाचा – अक्षया देवधरला नवऱ्याने दिलं मोठं सरप्राइज, आयफोन गिफ्ट केल्यानंतर अभिनेत्री म्हणते, “आयफोन लव्हरच…”
मॉडेलिंग क्षेत्रात येण्यापूर्वी शिवने कोरिओग्राफर म्हणून त्याच्या करिअरला सुरूवात केली होती. त्याने अनेक कलाकारांना कोरिओग्राफ केलेलं आहे. शिवाय, अमरावतीत स्वतःचा डान्स स्टुडिओ देखील आहे. त्यामुळे चाहते अभिनेत्याला या रूपात पाहण्यासाठी आतुरलेले आहेत. येत्या ११ नोव्हेंबरपासून हा शो प्रेक्षकांच्या भेटीला येणार आहे.
