‘बिग बॉस’मराठीमुळे अभिनेता अभिजीत केळकर चर्चेत आला. अनेक मालिका, चित्रपट, नाटक यांमधून अभिजीतने महत्त्वपूर्ण भूमिका करत प्रेक्षकांच्या मनात घर केलं. मात्र अभिजीतला ‘बिग बॉस’ मराठीमुळे खऱ्या अर्थाने लोकप्रियता मिळाली. सोशल मीडियावरही अभिजीत बऱ्यापैकी सक्रिय असतो. नेहमीच तो काही ना काही शेअर करत चाहत्यांच्या संपर्कात राहत असतो. अभिजीत विशेषतः त्याच्या घरातल्यांना वेळ देताना दिसतो. सोशल मीडियावर फोटो, व्हिडीओ शेअर करत तो अपडेट देत असतो. (Abhijeet Kelkar Home)
अभिजीत सध्या त्याच्या कुटुंबासह उन्हाळ्याची सुट्टी एन्जॉय करण्यासाठी गावी गेला आहे. काही दिवसांपासून तो त्याच्या इन्स्टाग्राम अकाऊंटद्वारे गावात फिरतानाचे व्हिडीओ शेअर करत आहे. ज्यामध्ये त्याची मुलं आजीसह रामरक्षा स्त्रोताचे पठन करताना दिसली. शिवाय आणखी एका व्हिडीओमध्ये अभिजीत त्याच्या दोन्ही मुलांसह समुद्रकिनारी धमाल करताना दिसत आहे.
अभिजीत सध्या आपल्या कुटुंबासह कोकणात सुट्टी एन्जॉय करत आहे. अभिजीतचे हे कोकणातील व्हिडीओ सोशल मीडियावर खूप व्हायरल झाले. या व्हिडीओमध्ये अभिजीतचं कौलारू चिऱ्याचं घर पाहायला मिळत आहे. घराच्या आजूबाजूला नारळासह विविध झाडं दिसत आहेत. तसेच घराबाहेर मोठं अंगण पाहायला मिळाली. अंगणातील तुळसही लक्षवेढी ठरली. तसेच व्हिडीओमध्ये सुंदर असं घर पाहायला मिळत आहे.
अभिजीतच्या कामाबद्दल बोलायचं झालं तर, अलीकडेच तो ‘स्टार प्रवाह’ वाहिनीवरील लोकप्रिय मालिका ‘तुझेच मी गीत गात आहे’मध्ये झळकला होता. या मालिकेतील त्याची साहेबराव ही भूमिका विशेष गाजली. याशिवाय अभिजीत ‘कलर्स मराठी’ वरील ‘योगयोगेश्वर जय शंकर’ मालिकेतही पाहायला मिळाला. अभिनयाबरोबरच अभिजीत राजकारणातही सक्रिय आहे. राजकारणावरही तो नेहमीच आपली मत मांडताना दिसतो.