‘बिग बॉस’ मराठी या लोकप्रिय रिऍलिटी शोमधून अभिनेत्री सई लोकूरने विशेष लोकप्रियता मिळवली. ‘बिग बॉस’मुळे सईने चाहत्यांच्या मनात घर केलं. सोशल मीडियावर ही सई बऱ्यापैकी सक्रिय असते. नेहमीच ती काही ना काही शेअर करत चाहत्यांच्या संपर्कात राहत असते. ‘बिग बॉस’च्या घरातून बाहेर पडल्यानंतर सई मात्र कुठेही झळकली नाही. कालांतराने तिने तीर्थदीप रॉय बरोबर लग्न सोहळा उरकला. सई तिच्या लग्नामुळेही पुन्हा एकदा चर्चेत आलेली पाहायला मिळाली. त्यानंतर सईने आणखी एक गुडन्यूज देत चाहत्यांचे लक्ष वेधून घेतले. (Sai Lokur New Home)
लग्नाच्या ३ वर्षांनंतर सईने डिसेंबर महिन्यात गोड मुलीला जन्म दिला. सईने गोंडस अशा बाळाला जन्म दिला. चिमुकल्या पाहुणीच्या आगमनाची आनंदाची बातमी तिने चाहत्यांसह शेअर केली. आई झाल्यानंतर आणि आई होण्याआधीही सई बरीच चर्चेत आली होती. कारण सईच्या मॅटर्निटी फोटोशूटने साऱ्यांचं लक्ष वेधून घेतलं. त्यामुळे सई आई केव्हा होणार याकडे साऱ्यांच्या नजरा वळल्या होत्या. सईने गेल्या वर्षी १७ डिसेंबरला एका गोंडस मुलीला जन्म दिला. अभिनेत्रीने तिच्या बाळाचं स्वागत बेळगाव येथे केलं. सोशल मीडियावरही सई बाळाबरोबर खेळतानाचे अनेक रील व्हिडीओ शेअर करताना दिसते.
आणखी वाचा – सुंदर सजावट, प्रशस्त जागा अन्…; अमेरिकेत असं आहे मृणाल दुसाणीसचं घर, पाहा Inside Photos
इतकंच नव्हे तर ट्रेडिंग गाण्यांवरील व्हिडीओ शेअर करत ती चाहत्यांच्या संपर्कात राहत असते. यानंतर आता सईच्या आणखी एका आनंदाच्या बातमीने साऱ्यांच लक्ष वेधून घेतलं आहे. लग्नाला तीन वर्षे झाल्यावर सई सासरी राहायला गेली आहे. सई आणि तीर्थदीप यांनी गेल्यावर्षी १० जुलैला बंगळुरूमध्ये नवीन घर विकत घेतलं होतं. “लग्नानंतर ३ वर्षांनी मी आता अखेर सासरी चालले. मी खूप उत्साही आहे. नवं शहर, नवीन घर, नवीन आयुष्य”, असं कॅप्शन देत तिने स्टोरी पोस्ट केली.
सईने शेअर केलेल्या व्हिडीओमध्ये अभिनेत्रीच्या सासूबाईंनी तिचं कसं स्वागत केलं याची झलक पाहायला मिळत आहे. सासरी आलेल्या सूनेचं सासूबाईंनी मोठ्या प्रेमाने स्वागत केलं. यावेळी त्यांच्यातील बॉण्डिंग खास असल्याचं दिसलं. सई घरात येताना तिचं औक्षण करत त्यांनी स्वागत केलं. फुलाची सजावट करत संपूर्ण घर सजवलं होतं.
