बॉलिवूड किंग शाहरुख खानबाबत मोठी बातमी समोर आली आहे. शाहरुख खानबाबत मोठी बातमी ऐकायला मिळाली या बातमीने चाहत्यांमध्ये काळजीच वातावरण पाहायला मिळालं. काल बुधवारी शाहरुखची तब्येत अचानक बिघडली असल्याचं समोर आलं. त्यानंतर त्याला अहमदाबादच्या केडी हॉस्पिटलमध्ये दाखल करण्यात आले. रुग्णालयात दाखल झाल्यानंतर अभिनेत्याच्या तब्येतीचे अपडेट जाणून घेण्याची सर्वांनाच उत्सुकता लागून राहिली आहे. समोर आलेल्या अपडेटनुसार शाहरुख अजूनही रुग्णालयात उपचार घेत आहे. (Shahrukh Khan Health Update)
रुग्णालयात उपचार घेताना शाहरुखबरोबर त्याची पत्नी गौरी खान आहे. पतीची तब्येत बिघडल्याची बातमी समजल्यानंतर गौरी धावतच केडी हॉस्पिटलमध्ये पोहोचली. रुग्णालयातील डॉक्टरांनी दिलेल्या माहितीनुसार, शाहरुखला डिहायड्रेशनचा त्रास झाला होता. इकडे जुही चावलाही शाहरुखला भेटण्यासाठी हॉस्पिटलमध्ये पोहोचली आणि तिनेदेखील माध्यमांसमोर तब्येतीचे अपडेट शेअर केले.
Gauri Khan has reached KD hospital to see #ShahRukhKhan pic.twitter.com/fDUodO4y6i
— Shah Rukh Khan Fc – Pune ( SRK Fc Pune ) (@SRKFC_PUNE) May 22, 2024
शाहरुख खान मंगळवारपासून अहमदाबादमध्ये आहे. आयपीएल २०२४च्या प्लेऑफ सामन्यात शाहरुखची टीम कोलकाता नाईट रायडर्स आणि सनरायझर्स हैदराबाद यांच्यात सामना झाला होता आणि त्यामुळे शाहरुख अहमदाबादमध्ये होता. सामना संपल्यानंतर शाहरुख तिथल्या आयटीसी नर्मदा हॉटेलमध्ये थांबला, तिथे अचानक त्याची तब्येत बिघडली. शाहरुखच्या तब्येतीचे अपडेट देताना जुही चावलाने सांगितले की, “त्याची प्रकृती स्थिर असून डॉक्टरांनी त्याला निरीक्षणाखाली ठेवले आहे. गुरुवारी त्याला रुग्णालयातून डिस्चार्ज मिळण्याची शक्यता आहे”.
शाहरुखच्या कामाबद्दल बोलायचे झाले तर, २०२३मध्ये त्याने बॉक्स ऑफिसवर धुमाकूळ घातला. २०२३मध्ये त्याचे ‘पठाण’, ‘जवान’ आणि ‘डंकी’ हे एकूण ३ चित्रपट प्रदर्शित झाले. तिन्ही चित्रपटांनी भरघोस कमाई केली. शाहरुखचा आगामी ‘द किंग’ चित्रपट लवकरच प्रेक्षकांच्या भेटीस येणार आहे, ज्यामध्ये तो पहिल्यांदाच मुलगी सुहाना खानसह स्क्रीन शेअर करताना दिसणार आहे. बाप-मुलीचा हा चित्रपट २०२५मध्ये थिएटरमध्ये प्रदर्शित होणार आहे.