माझिया प्रियाला प्रित कळेना’, ‘मन हे बावरे’, ‘तू तिथे मी’, ‘अस्स सासर सुरेख बाई’ अशा अनेक लोकप्रिय मालिकांमधून घराघरांत पोहोचलेली लोकप्रिय अभिनेत्री म्हणजे मृणाल दुसानीस. तिने साकारलेली प्रत्येक भूमिका छोट्या पडदयावर प्रचंड गाजली. मालिकांमुळेच तिने स्वतःचा असा खूप मोठा चाहतावर्ग निर्माण केला आहे. मात्र लग्नानंतर अभिनेत्री मालिकाविश्वपासून दूर गेल्याचं पाहायला मिळालं. करिअरच्या शिखरावर असताना तिने लग्नबंधनात अडकण्याचा निर्णय घेतला होता.
यावेळी तिची ‘हे मन बावरे’ ही मालिका चालू होती. मालिकेने प्रेक्षकांचा निरोप घेतल्यावर मृणाल आपल्या नवऱ्याबरोबर अमेरिकेत राहायला गेली आणि ती तिथेच स्थायिक झाली. अभिनयातून तिने काही काळासाठी ब्रेक घेतला असला तरी ती सोशल मीडियाच्या माध्यमातून चाहत्यांच्या संपर्कात राहत असे. या काळात ती सोशल मीडियावर तिचे, तिच्या पती व मुलीबरोबरचे काही फोटो व्हिडीओ शेअर करत चाहत्यांच्या संपर्कात राहत असे. तिने शेअर केलेल्या काही फोटोमध्ये मृणालच्या अमेरिकेतील घराची खास झलक पाहायला मिळत आहे.
यामध्ये काही फोटोमध्ये तिच्या घराची सुंदर बाल्कनी तसेच भिंतीवर सुंदर छायाचित्रे असलेली पाहायला मिळत आहेत. अभिनेत्री परदेशात राहूनही मराठी संस्कृती जपत असल्याचं तिच्या काही फोटोमधून पाहायला मिळत आहे, तिने शेअर केलेल्या एका फोटोमध्ये तिच्या घरी कंदील लावल्याचे पाहायला मिळत आहे.
तसेच आकर्षक रांगोळी व दिव्यांची आरासही पाहायला मिळत आहे. तसेच एका फोटोमध्ये अभिनेत्री तिच्या मुली व पतीसह दिसत आहे. या फोटोमध्ये ते तिघेही उंच इमारतीतून बाहेर बघत आहेत. अशाप्रकारे मृणालनर शेअर केलेल्या फोटोमधून ती अमेरिकेत एका प्रशस्त व अलिशान घरात राहत असल्याचे दिसून येत आहे.
दरम्यान, अखेर चार वर्षांनी अभिनेत्री आपल्या कुटुंबीयांबरोबर पुन्हा एकदा भारतात परतली आहे. काही दिवसांपूर्वी मृणाल भारतात परतली असून तिची पुन्हा एकदा मालिकांमध्ये काम करण्याची इच्छा असल्याचं तिने काही मुलाखतींमधून म्हटलं आहे. त्यामुळे आता चार वर्षांनी भारतात परतल्यावर अभिनेत्री मालिकांमध्ये पुनरागमन केव्हा करणार याकडे तिच्या चाहत्यांचं लक्ष लागून राहिलं आहे.