अभिनेता व कॉमेडीयन मुनव्वर फारुकी याने ‘बिग बॉस’च्या यंदाच्या १७ व्या पर्वाचे विजेतेपद पटकावत त्याच्या चाहत्यांना आनंदाचा धक्का दिला. मुनव्वर या शोमध्ये येण्यापूर्वीच त्याचा चाहतावर्ग हा मोठा होताच. या शोमध्ये येण्यापूर्वीदेखील त्याने असाच एक रियालिटी शो जिंकला होता. त्यामुळे हा शोदेखील तोच जिंकणार असा विश्वास त्याच्या चाहत्यांना होता आणि या शोचे विजेतेपद पटकावत मुनव्वरने तो विश्वास खरा ठरवला.
या शोचे विजेतेपद पटकावल्यामुळे त्याला बिग बॉसची आकर्षक ट्रॉफी, रोख रक्कम ५० लाख रुपये व एक आलीशान कार बक्षीस म्हणून मिळाली. तसेच नुकतेच त्याचे तो राहत असलेल्या ठिकाणी म्हणजेच डोंगरी येथे मोठ्या धुमधडाक्यात स्वागतही करण्यात आले. अशातच त्याच्या संपत्तीबद्दल एक माहिती समोर येत आहे. टाईम्स नाऊ व झी न्यूजच्या एका वृत्तानुसार, मुनव्वर फारुकीची एकूण संपत्ती ८ कोटी रुपये असल्याचा अंदाज आहे.
मुनव्वरला स्टँड-अप कॉमेडी शो, म्युझिक अल्बम, रिॲलिटी शो आणि ब्रँड एंडोर्समेंटमधून प्रचंड कमाई होते. याआधी त्याने ‘लॉक अप’ आणि आता ‘बिग बॉस १७’चे विजेतेपद पटकावल्यामुळे ‘टाईम्स नाऊ’च्या मते, तो त्याच्या प्रत्येक स्टँड-अप कॉमेडी शोमधून जवळपास दीड ते अडीच लाख रुपये कमावतो. मुनव्वरची लोकप्रियतय अधिक असल्यामुळे त्याचा चाहतावर्गदेखील तितकाच मोठा आहे. त्यामुळे सोशल मीडियावर त्याचे फॉलोवर्सही अधिक आहेत. मुनव्वरचे इन्टाग्रामवर १२ मिलियनच्या जवळपास फॉलोअर्स आहेत आणि इन्टाग्रामवरील प्रायोजित पोस्टसाठी तो सुमारे १५ लाख रुपये घेत असल्याचे म्हटले जाते.
तसेच टाईम्स ऑफ इंडिया’च्या वृत्ता नुसार, बिग बॉस १७’साठी मुनव्वर दर आठवड्याला ७ ते ८ लाख रुपये घेत असल्याची माहिती आहे. त्या हिशोबाने मुनव्वर बिग बॉसच्या घरात तब्बल १२ आठवडे राहिल्याने या शोसाठी त्याला ८५ लाख ते ९५ लाख रुपये मिळाले असल्याचा अंदाज आहे. तसेच ५० लाख रुपयांच्या रोख रक्कमेसह, त्याला १.३५ ते १.४५ कोटी रुपयेदेखील मिळाले असल्याचे वृत्त आहे.