बी टाऊन कलाकारांसह तसेच नीता अंबानी, ईशा अंबानी यांसारख्या कलाकारांबरोबर सोशल मीडियावर दिसणार्या ओरीबाबत एक मोठी बातमी समोर आली आहे. जान्हवी कपूर, नीसा देवगण, भूमी पेडणेकर यांसारख्या अभिनेत्रींचा जवळचा मित्र अशी ओळख असलेल्या ओरी म्हणजेच ओरहान अवत्रामणी याबाबत मोठी बातमी समोर आली आहे. ओरी लवकरच ‘बिग बॉस १७’ च्या घरात हजेरी लावणार असल्याचं बोललं जात आहे. ओरी शोच्या ‘वीकेंड का वार’मध्ये दिसणार असल्याचं सांगण्यात येत आहे. (Orry In Bigg Boss 17)
इटाइम्सच्या रिपोर्टनुसार, ओरी लवकरच वाइल्ड कार्ड स्पर्धक म्हणून ‘बिग बॉस१७’ मध्ये प्रवेश करणार आहे. फिल्मी पार्ट्या असोत किंवा उद्योगपती, राजकारण्यांच्या पार्ट्या असोत, ओरी नक्कीच सर्व सेलिब्रिटींसह पाहायला मिळते. ओरीच्या इंडस्ट्रीतील मैत्रीबद्दल बोलायचे झाले तर जान्हवी कपूर, नीसा देवगन, अनन्या पांडे, शनाया कपूर, दीपिका पादुकोण यांसारख्या अनेक अभिनेत्री त्याच्या लिस्टमध्ये आहेत.
ओरी त्याच्या हटके स्टाईलसाठी ओळखला जातो. अशातच आता त्याच्या ‘बिग बॉस १७’ मधील प्रवेशाची जोरदार चर्चा सुरू आहे. इटाइम्सने एका सूत्राचा हवाला देत म्हटले आहे की, ओरी आज शोच्या सेटवर पोहोचणार आहे. सलमानसह एंट्री सिक्वेन्स शूट करण्यासाठी तो सेटवर जाणार असल्याची चर्चा आहे. सलमान त्याची प्रेक्षक व स्पर्धकांशीही ओळख करून देणार असल्याचं बोललं जात आहे. दरम्यान मध्येच तो या शोमधून बाहेर पडणार की शेवटपर्यंत ‘बिग बॉस’च्या घरात राहणार याची कोणतीही माहिती अद्याप समोर आलेली नाही.
सोशल मीडियावर जवळपास सर्वच चित्रपट अभिनेत्री व स्टार किड्सबरोबरचा त्याचा वावर पाहून प्रेक्षक अनेकदा विचारतात, हा ओरी नक्की कोण आहे? ‘बिग बॉस’च्या घरातील एंट्रीने ओरीबद्दलचे अनेक प्रश्न सुटणार आहेत. अलीकडेच ओरीने ‘मेन्स लॉकर रूम’ या पॉडकास्टला दिलेल्या मुलाखतीत त्याच्या कठीण काळाबाबत भाष्य केले. याबाबत बोलताना ओरीने पूर्वी तो टेबल साफ करायचे काम करायचा. ओरीने सांगितले, “तेव्हा मी आमच्या छोट्या वेटर्स ग्रुपचा एक भाग होतो आणि मी टेबल साफ करायचो” असं म्हणत ओरीने त्याच्या सुरुवातीच्या कठीण काळाबाबत भाष्य केलं.