कलर्स वाहिनीवरील ‘बिग बॉस १७’ हा लोकप्रिय शो आता अंतिम टप्प्यात आला आहे. या शोमध्ये येणारे अनेक ट्विस्ट या शोची रंजकता आणखी वाढवत आहेत. अशातच आता शोमध्ये आणखी एका नवीन ट्विस्टची भर पडली आहे. ‘बिग बॉसच्या नुकत्याच झालेल्या भागात मोठा तमाशा पाहायला मिळाला. किंबहुना, ‘वीकेण्ड का वार’मध्ये सलमान खानने केलेल्या अनेक मुद्द्यांचा प्रभाव या आठवड्यात दिसून आला. (Munawar Faruqui Ex gf Zazila React On Taking Her Name)
बिग बॉसच्या घरातील मन्नारा चोप्रा व मुन्नवर फारुकी यांच्या मैत्रीचे आता भांडणात रुपांतर झाले आहे. मन्नारा, मुन्नवर यांच्यात आता आयेशा खानची एण्ट्री झाली आहे. पण या तिघांमध्ये एक एक व्यक्ती समान आहे, ती म्हणजे नाझिला. मन्नारा, मुन्नवर आणि नव्याने आलेली आयेशा या तिघांनीही मुन्नवरची एक्स-गर्लफ्रेंड आणि या शोच्या बाहेरील व्यक्ती नाझिलाचा उल्लेख केला आहे. यावर आता स्वत: नाझिलाने कोणाचेही नाव न घेता एक पोस्ट शेअर केली आहे.
there are women that actually support women and women who pretend to support other women for male attention
— naz (@nazilx9) December 25, 2023
आणखी वाचा – “हिंसा आणि लैंगिकता…”, वैभव मांगलेंची रणबीर कपूरच्या ‘अ‍ॅनिमल’ चित्रपटावर टीका, म्हणाले, “खूप घातक…”
मन्नारा, मुन्नवर व आयेशा यांच्यात लढाई झाली. ही मारामारी इतकी चिघळली की मुन्नवरने रागाच्या भरात काच फोडली आणि यात त्याच्या हाताला दुखापत झाली. तो आयशाला पाठिंबा देत होता, तर मन्नारा या दोघांशी भांडताना दिसली. त्यांच्या या लढाईत तिघांकडून नाझिलाचा उल्लेख करण्यात आला. या भांडणात आयशाने नझिलाचाही उल्लेख केला होता आणि ती म्हणाली होती, “सॉरी नाझिला, तुझे नाव माझ्यामुळे इथे घेतले जात आहे.”
यावर आता तिने एक पोस्ट शेअर केली आहे. यात पोस्टमध्ये तिने असं म्हटलं आहे की, “अशा काही स्त्रिया आहेत ज्या खरोखरच इतर स्त्रियांना पाठिंबा देतात आणि त्या हे सर्व एका पुरुषाचे लक्ष वेधून घेण्यासाठी करत आहेत. नझिलाची पोस्ट पाहिल्यानंतर नेटकऱ्यांनी नझिलाने अखेर मन्नारा व आयेशा यांच्यावर निशाणा साधला आहे. अशा आशयाच्या अनेक कमेंट्स केल्या आहेत. त्यामुळे आता आगामी भागांत त्यांच्यात आणखी संघर्ष निर्माण होणार का? हे पाहण्यासाठी चाहते चांगलेच उत्सुक आहेत.
