मनोरंजन सृष्टीत काम करताना प्रत्येकालाच काहीना काही अडचणींना सामोरे जावे लागते. त्यात स्त्रियांच्या वाटेला या इंडस्ट्रीत थोडा अधिकच संघर्ष असतो. त्यातही कुणाचा पाठिंबा नसेल किंवा या इंडस्ट्रीत कुणी गॉडफादर नसेल तर अनेकदा खूप कठीण प्रसंगांना सामोरे जावे लागले असल्याच्या अनेक घटना आपण ऐकल्या किंवा वाचल्या असतीलच. सिनेसृष्टी आणि कास्टिंग काऊच या गोष्टी अनेकदा कानावर पडत असतात. कलाकारांनी याबाबतीतले आपले भयंकर अनुभव प्रेक्षकांबरोबर अनेकदा शेअर केले आहेत. अभिनेत्री अंकिता लोखंडेलाही कास्टिंग काऊच या प्रकारातून एकदा नव्हे तर दोनदा जावे लागले होते.
पवित्र रिश्ता मालिकेतून घराघरांत पोहोचलेली अभिनेत्री म्हणजे अंकिता लोखंडे. मालिका विश्वातून अभिनेत्रीला खूप मोठ्या प्रमाणावर प्रसिद्धी व लोकप्रियता मिळाली. अशातच अंकिताने नुकत्याच पार पडलेल्या बिग बॉस च्या १७व्या पर्वातदेखील पतीबरोबर सहभाग घेतला होता. यामुळे तर तिच्या लोकप्रियतेत आणखीनच भर पडली. दरम्यान अभिनेत्रीने तिच्या कास्टिंग काऊचच्या अनुभवाबद्दल सांगितले.
कास्टिंग काऊचच्या अनुभवाबद्दल अभिनेत्री म्हणाली, “मी खूप हुशार होते आणि त्या खोलीत एकटीच होते. त्यावेळी मी १९ किंवा २० वर्षांची असावी. मी निर्मात्याला विचारले “तुम्हाला कोणत्या प्रकारचे करार हवे आहेत? मला पार्टी किंवा रात्री डिनरला वगैरे जावे लागेल का?” मला अशी परिस्थिती टाळायची आहे जिथे मला थेट निर्मात्याबरोबर वाईट कृत्य करायला सांगितले जाईल. पण नेमके तसेच झाले आणि त्याने हे सांगताच मी त्यांना “तुम्हा लोकांना मुलगी ही कामासाठी नव्हे, तर चुकीच्या गोष्टींसाठी हवी आहे.” एवढ म्हणून तिथून निघून गेली. मग त्याने माफी मागितली आणि सांगितले की, “तो मला त्याच्या चित्रपटात घेणार आहे”. परंतु मी त्याला स्पष्टपणे सांगितले की “तुम्ही मला चित्रपटात घेण्याचा प्रयत्न केला तरी मला आता तुमच्या चित्रपटात काम करण्यात काहीही रस नाही”.
आणखी वाचा – हृतिक रोशन-दीपिका पदुकोणच्या किसिंग सीनमुळे वायुसेना दल नाराज, ‘फायटर’ वादात, अधिकृत नोटीसही पाठवली अन्…
यानंतर दुसऱ्या घटनेबद्दल बोलताना अंकिता म्हणाली, “मालिका केल्यानंतर मी जेव्हा चित्रपटांमध्ये परतले. तेव्हा मला हा अनुभव पुन्हा आला. मी फक्त त्या व्यक्तीशी हात मिळवला. मला आता त्याचे नाव घ्यायचे नाही, तो आता एक मोठा अभिनेता आहे. मी त्याच्याबरोबर जेव्हा हात मिळवला. तेव्हा मला त्याच्याकडून थोडं विचित्र जाणवले. म्हणून मग मी त्याच्यापासून माझा हात पटकन काढून घेतला. मला समजून चुकलेले की इथे देण्याघेण्याचा विषय सुरु आहे. त्यामुळे मी तिथून निघून गेली”.
