छोट्या पडद्यावरील लोकप्रिय अभिनेत्री सई लोकूरने नुकतीच आनंदाची बातमी दिली आहे. सईच्या घरी नव्या पाहुणीचं आगमन झालं आहे. ज्या आनंदाच्या बातमीची सगळेच आतुरतेने वाट पाहत होते तो क्षण आला. कुटुंबात चिमुकलीचं आगमन झालं आहे. सईने एका गोंडस मुलीला जन्म दिला असून नुकतीच तिने ही आनंदाची बातमी सोशल मीडियावर पोस्ट करत चाहत्यांबरोबर शेअर केली आहे. (sai lokur became the mother she share post)
ही आनंदाची बातमी सांगताना तिने सुंदर पोस्ट लिहीली आहे. त्या पोस्टवर बेबी एलिफंटचं चित्र आहे. सईने पोस्ट शेअर केली त्यात लिहीलं की, ‘आमच्या आयुष्यात मुलीचं आगमन झालं आहे. ती निरोगी आहे सुंदर आहे आणि सगळ्यांनाच प्रिय अशी आहे. या काळात तुमचा मिळालेला पाठिंबा व प्रार्थनांसाठी आम्ही तुमचे आभारी आहोत’ – सई व दीप, असं लिहीत तिने ही गोड पोस्ट शेअर केली आहे.
याला कॅप्शन देत सई लिहीते, “आमच्या बाळाच्या येण्याची बातमी सांगताना आम्हाला खूप आनंद होत आहे. आई व बाळ दोघंही सुखरुप आहे. सगळ्यांच्या प्रेमासाठी व शुभेच्छांसाठी खूप धन्यवाद”, असं लिहीत तिने ही पोस्ट शेअर केली आहे. नेटकऱ्यांनीही लाईक व कमेंट करत शुभेच्छांचा वर्षाव केला आहे. अभिनेत्री रेशम टिपनीससह इतर अभिनेत्रींनीही ‘अभिनंदन’ म्हणत कमेंट केली आहे.सई सोशल मीडियावर बरीच सक्रिय असते. तिचे फोटोशूट चांगलंच चर्चेत असतं. तिने गरोदरपणतही बरंच फोटोशूट केलं होतं. तिचे फोटो सोशल मीडियावर बरेच व्हायरल झाले होते. आताही तिने शेअर केलेल्या आनंदाच्या बातमीची पोस्ट सोशल मीडियावर चांगलीच व्हायरल होत आहे.
सईने आजवर आपल्या अभिनयातून प्रेक्षकांचं मनं जिंकलं. ती एक उत्तम अभिनेत्री आहेच पण त्याबरोबर ती छान नृत्यांगणाही आहे. सई ‘बिग बॉस मराठी’च्या पहिल्या पर्वामुळे चांगलीच चर्चेत आली होती. या कार्यक्रमामुळे तिला चांगलीच लोकप्रियता मिळाली. ‘बिग बॉस’च्या घरातून बाहेर पडल्यानंतर तिचा सिनेसृष्टीतील वावर बराच कमी झाला. यांपैकी एक आहे. या दघाी एक आहे.
