Kangana Ranaut Period : बॉलिवूडमध्ये ‘क्वीन’ म्हणून ओळखली जाणारी अभिनेत्री कंगना राणौत नेहमीच तिच्या बेधडक मतांसाठी ओळखली जाते. मात्र यावेळी कंगनाने आपल्या आयुष्यातील एक अत्यंत वैयक्तिक अनुभव खुलेपणाने शेअर करत अनेक मुलींच्या मनातील भावना शब्दांत मांडल्या आहेत. कंगनाने सांगितलं की तिला वयाच्या १५व्या वर्षी पहिल्यांदा मासिक पाळी आली. नववीत शिकत असताना तिच्या जवळजवळ सगळ्या मैत्रिणींना पाळी सुरू झाली होती, मात्र तिची सुरुवात झाली नव्हती.
‘हॉटरफ्लाय’ या युट्युब चॅनेलला दिलेल्या मुलाखतीत कंगनाने तिच्या पहिल्या मासिक पाळीच्या अनुभवाबद्दल बोलताना दिसली. त्यामुळे तिची आई सतत काळजी करत होती. कंगना तेव्हाही बाहुल्यांमध्ये रमलेली असायची. एकदा आईने रागाच्या भरात तिच्या बाहुल्या फेकून दिल्याची आठवण सांगताना कंगना भावूक झाली. यानंतर आलेला तो दिवस कंगनाच्या आयुष्यात मोठा बदल घेऊन आला. ती म्हणाली, की एके दिवशी सकाळी उठल्यानंतर तिची बेडशीट रक्ताने माखलेली होती. हा प्रसंग तिच्यासाठी अत्यंत धक्कादायक आणि भयानक होता.
“मला खूप भीती वाटली. हे दर महिन्याला घडणार आहे, यावर माझा विश्वासच बसत नव्हता. मी रडत होते,” असं कंगनाने सांगितलं. आईला दिलासा मिळाला असला तरी कंगनाच्या मनात मात्र अनेक भीती होत्या. ती म्हणाली, “मला वाटलं की बाबा आता माझ्यावर पूर्वीसारखं प्रेम करणार नाहीत किंवा आई मला मिठी मारणार नाही. एका रात्रीत मी मोठी झाले होते.” हिमाचल प्रदेशात मासिक पाळीदरम्यान स्वयंपाकघर किंवा मंदिरात जाण्यास मनाई होती. मात्र तिच्या आईने कापडाऐवजी सॅनिटरी पॅड दिले, हे कंगनाने सांगितलं.
आणखी वाचा – “हद्द पार करू नको” भाऊच्या धक्क्यावर रितेशने केली प्रभू शेळकेची कानउघडणी, म्हणाला, “जास्त लाडात येऊ नको…”
