Badshah Second Wedding : बॉलिवूडमधील लोकप्रिय रॅपर आणि गायक बादशाह नेहमीच चर्चेत असतो. पण सध्या बादशाह पुन्हा एकदा त्याच्या खासगी कारणामुळे चर्चेत आला आहे. गेल्या काही दिवसांपासून बादशाह आणि अभिनेत्री ईशा रिखी या दोघांच्या डेटिंगची चर्चा रंगताना पाहायला मिळत होती. याशिवाय दोघांच्या अफेअरच्या चर्चा सोशल मीडियावर जोरात सुरू होत्या. मात्र आता या चर्चांना अधिक उधाण आलं आहे. कारण या दोघांनी गुपचूप लग्न केल्याची शक्यता वर्तवली जात आहे.
मिळालेल्या माहितीनुसार, २४ मार्च २०२६ रोजी ईशा रिखीची आई पूनम रिखी यांनी त्यांच्या अधिकृत इंस्टाग्राम अकाउंटवर काही खास फोटो आणि व्हिडीओ शेअर केले. या पोस्टमध्ये बादशहा आणि ईशा हे पारंपरिक वेशभूषेत दिसत आहेत. नवविवाहित जोडप्याप्रमाणे त्यांच्या लूकमुळे चाहत्यांचं लक्ष वेधलं आहे. विशेष म्हणजे, शेअर केलेल्या व्हिडीओमध्ये दोघे एकमेकांना वरमाला घालताना तसेच विवाहातील पारंपरिक विधी पार पाडताना दिसत आहेत. या पोस्टखाली ईशाच्या आईने “देवाचा तुमच्यावर आशीर्वाद राहो!” अशी कमेंट केल्यामुळे चाहत्यांमध्ये उत्सुकता आणखी वाढली आहे.
आणखी वाचा – दिव्यांका त्रिपाठीच्या पाठोपाठ आणखी एक अभिनेत्री होणार आई, फोटो शेअर करत म्हणाली, “नवीन सुरुवात…”
या सर्व घडामोडींमुळे सोशल मीडियावर चर्चांचा उधाण आलं आहे. चाहते या बातमीवर विविध प्रतिक्रिया देताना दिसत आहेत. काहीजण या दोघांना शुभेच्छा देत आहेत, तर काहीजण अधिकृत घोषणेची वाट पाहत आहेत. दरम्यान, या लग्नाबाबत ना बादशहा ना ईशा रिखी यांनी कोणतीही अधिकृत प्रतिक्रिया दिलेली नाही. त्यामुळे हे लग्न खरंच झालं आहे की केवळ अफवा आहेत. याबाबत अद्याप स्पष्टता आलेली नाही. मात्र, सोशल मीडियावर व्हायरल होत असलेल्या फोटो आणि व्हिडीओंमुळे या चर्चेला चांगलंच उधाण आलं आहे.
