४८ वर्षापासूनच एकच अंगठी का आहे अशोक मामांच्या हातात

Ashok Saraf Ring Story
Ashok Saraf Ring Story

अशोक सराफ हे फुल पॅकेज आहेत. कसलीच कमी या व्यक्तीत नाही. असा नट होणे नाही हे वाक्य अर्थात अशोक मामांसाठीच आहे असं म्हणणं वावगं ठरणार नाही. अष्टपैलू व्यक्तिमत्व असणारे अशोक मामा यांचे आजही जमिनीवर पाय आहेत. सह कलाकाराला सांभाळून घेत त्यांनी आजवर मराठी सिनेसृष्टीत चांगलं नाव कमावलं आहे. मराठी सिनेविश्वात चित्रपटांची जेव्हा चलती नव्हती तेव्हा मामांच्या अभिनयाने सिनेविश्वातील तो काळ सावरला. मामांचे बरेच किस्से आहेत जे ऐकत राहावे, वाचत राहावे वाटतात, मात्र मामाच्या आयुष्याला कलाटणी देणारी एक वस्तू होती त्याबाबतचा किस्सा त्यांनी मी बहुरूपी या पुस्तकात सांगितला आहे.(Ashok Saraf Ring Story)

हे देखील वाचा – वडिलांच्या निधनाला कुठे होते अशोक सराफ ?

हा किस्सा म्हणजे अशोक मामांच्या हातात असलेली त्यांची अंगठी. गेली ४८ वर्ष त्यांनी ती अंगठी का जपून ठेवलीय चला जाणून घेऊयात. १९७४ साली अशोक मामांना ही अंगठी त्यांचा मित्र विजय लवेकर यांनी दिली होती. विजय लवेकर हे एक मेकअपआर्टिस्ट असून त्यांचं एक छोटंसं सोनाराचं दुकान होतं. विजय लवेकर यांनी बनवलेल्या काही खास डिझाईनच्या अंगठ्या ते स्टुडिओमध्ये घेऊन आले होते. त्या वेळी बऱ्याच अंगठय त्यांनी डिझाईन करून आणल्या होत्या, नेमकी कुठली अंगठी निवडावी हा प्रश्न मनात न ठेवता त्यांनी त्यातील एक अंगठी निवडली जी त्यांनी लगेचच अनामिकेत घातली.

का जपलीय मामांनी ती अंगठी (Ashok Saraf Ring Story)

त्या अंगठीवर नटराजाची प्रतिमा कोरण्यात आली होती. विशेष म्हणजे अशोक मामांच्या बोटात ही अंगठी अगदी फिट बसली होती त्या अंगठीकडे निरखून पाहत असताना ही अंगठी माझी अशी प्रतिक्रिया अशोक मामांनी दिली. अंगठी घातल्यानंतर बरोबर तीन दिवसांनी अशोक सराफ यांना चांगले अनुभव येत गेले. या अंगठीची कमाल सांगायची म्हणजे अंगठी घातल्याचा तिसऱ्याच दिवशी त्यांच्या वाट्याला पांडू हवालदार चित्रपटाची ऑफर चालून आली. ही अंगठी अशोक मामांच्या कारकिर्दीला कलाटणी देणारे ठरलीच शिवाय त्यांच्या या चित्रपटानेही त्यांच्या सिनेविश्वातील कारकिर्दीला खऱ्या अर्थाने कलाटणी मिळाली.(Ashok Saraf Ring Story)

हे देखील वाचा – शेफ असूनही निवेदिता यांच्या मुलाला – आवडतो आईच्या हातचा ‘तो’ पदार्थ

या चित्रपटांनंतर मामांचा सिनेसृष्टीतील आलेख हा चढताच राहिला. अनेक दर्जेदार चित्रपटांच्या ऑफर्सही त्यांना येऊ लागल्या. आणि त्यांची यशाच्या वाटेने घोडदौड सुरू झाली. त्यावेळी मामा म्हणाले, ह्यावर माझी श्रद्धा आहे किंवा अंधश्रद्धा काहीही बोला पण ही अंगठी बोटातून काढायची नाही असा मी निर्णय घेतला होता. एक साधी अंगठी  एका व्यक्तीच्या आयुष्यात इतका बदल घडवून आणू शकते हे अचंबित करणारच आहे.

Leave a Reply

Your email address will not be published. Required fields are marked *

You May Also Like
Queen of 80s faced worst things
Read More

शूटिंगदरम्यान जबरदस्ती केल्याने ‘या’ अभिनेत्रीने ठोकला सिनेविश्वाला रामराम

या घटनेनंतर अचानक अर्चना रुपेरी पडद्यावरून गायब झाली. करियरच्या टर्निंग पॉइंटवर असतानाच अर्चनाने लग्नाचा निर्णय घेतला आणि ती थेट अमेरिकेत स्थायिक झाली.
Mahesh Kothare Nilima Kothare
Read More

“खबरदार पुन्हा असं काही बोलशील तर!” महेश कोठारेंना दिली पत्नीने धमकी

पहिली माझी आई जेनमा आणि दुसरी माझी पत्नी नीलिमा! नीलिमा यांनी पत्नी म्हणून महेश यांची प्रत्येक काळात साथ दिली.
Dattu More Wedding News
Read More

‘म्हणून दत्तूने खाल्ला समीरचा ओरडा’ पाहा दत्तू ने लग्नाची बातमी सांगितल्यावर काय होत्या हास्य जत्रेतील मित्रांच्या रिअक्शन

अनेक कलाकार नेहमी चर्चेत असतात त्यांच्या आयुष्यातील कोणत्या ना कोणत्या गोष्टीमुळे. सध्या असाच एक चर्चेचा विषय आहे तो…
Ashok saraf Sulochana Latkar
Read More

अशोक सराफ आणि निवेदिता सराफ यांनी केले सुलोचना लाटकर कुटुंबियांचे सांत्वन

सुलोचना लाटकर यांच्या अंत्यदर्शनाला अभिनेते सचिन पिळगांकर, अशोक सराफ, निवेदिता सराफ तसेच राजकीय क्षेत्रातून मनसे अध्यक्ष
Dattu Mores Honeymoon
Read More

पहा दत्तू मोरे चाललाय या ठिकाणी हनिमूनला

लग्न संभारंभ, प्री वेडिंग फोटोशूट उरकल्यानंतर आता दत्तू त्याच्या बायकोला घेऊन कुठे हनिमूनला जाणार याकडे साऱ्यांच्या नजरा वळल्या आहेत.