Bigg Boss Marathi 6 : ‘बिग बॉस मराठी’च्या घरात पार पडलेल्या दुसऱ्या ‘भाऊचा धक्का’ने प्रेक्षकांचं लक्ष वेधून घेतलं आहे. यावेळी कार्यक्रमाचा सूत्रसंचालक रितेश देशमुख चांगलाच संतप्त झालेला पाहायला मिळाला. घरातील एका वादग्रस्त घटनेमुळे रितेशने थेट अनुश्रीची कडक शब्दांत शाळा घेतली आहे. संपूर्ण वादाची सुरुवात बीबी राशन टास्कदरम्यान झाली. या टास्कमध्ये अनुश्री आणि प्राजक्ता यांच्यात जोरदार वाद झाला होता. या वादादरम्यान अनुश्रीने शिवीगाळ गेली होती. ही बाब पुढे प्राजक्ताने दीपाली सय्यदसमोर मांडली. त्यानंतर दीपालीने अनुश्रीकडे जाऊन याबाबत स्पष्टीकरण मागितलं.
मात्र, या संवादादरम्यान अनुश्रीकडून केलेल्या एका वक्तव्याने घरातील वातावरण आणखी तापलं. अनुश्रीने “आईला घेऊन आली होती… आता पप्पांना घेऊन ये!” असं म्हटलं होतं. हा मुद्दा थेट भाऊच्या धक्क्यावर पोहोचला. भाऊच्या धक्क्यावर रितेश देशमुखने अनुश्रीला थेट प्रश्न विचारत तिच्या वक्तव्याबाबत जाब विचारला. रितेश म्हणाला, “जेव्हा प्राजक्ता दीपालीला घेऊन आली, तेव्हा तुम्ही नेमकं काय म्हणालात?” यावर अनुश्री हसताना दिसली, मात्र तिची ही प्रतिक्रिया पाहून रितेशचा संयम सुटला.
आणखी वाचा – “मला १२ वाजता का बोलवलं?” O’Romeo च्या ट्रेलर लॉँचमध्ये रागातून उठून गेले नाना पाटेकर; नेमकं काय घडलं?
रितेशने कठोर शब्दांत अनुश्रीला सुनावत स्पष्ट केलं की, “हे ‘बिग बॉस’चं घर आहे. इथे मस्तीत नाही तर शिस्तीत राहायचं.” असं म्हणत संताप व्यक्त करताना दिसतो. यानंतर घरातील समीकरणं बदलण्याची शक्यता निर्माण झाली असून, पुढील आठवड्यात खेळ अधिक रंगतदार होणार असल्याचं स्पष्ट होत आहे. दरम्यान, या एपिसोडचा प्रोमो सध्या सोशल मीडियावर प्रचंड चर्चेत आला आहे.
आणखी वाचा – ‘बिग बॉस मराठी’ फेम सदस्याचं बहिणीच्या दीरासोबत प्रेमप्रकरण; ‘या’ कारणामुळे झालं ब्रेकअप, नेमकं प्रकरण काय?
