Siddharth Khirid Wedding: गेल्या काही दिवसांत अनेक कलाकारांनी लग्नगाठ बांधली. अशातच आता यात आणखी एका अभिनेत्याचं नाव सामील झालं आहे. तो अभिनेता म्हणजे ‘मुरांबा’ या मालिकेतील अभियन्ता सिद्धार्थ खिरीड. नुकताच सिद्धार्थ खिरीड लग्नबंधनात अडकला. दरम्यानट्याच्या लग्नाचे फोटो सोशल मीडियावर व्हायरल होत आहे. त्याच्या प्रि-वेडिंग फोटोशूटचे, संगीत समारंभ तसेच हळदीचे फोटो सोशल मीडियावर व्हायरल होताना दिसले.
आणखी वाचा: रितेश देशमुख भडकताच अनुश्री माने हसली आणि…; भाऊंचा पारा चढला म्हणाले, “ए…”
काही दिवसांपासून सोशल मीडियावर त्यांच्या लग्नाची चर्चा सुरू होती. अशातच आता अभिनेता लग्नबंधनात अडकला असून त्याच्या लग्नातील पहिला फोटो समोर आला आहे. फोटोमध्ये अभिनेत्याने गुलाबी रंगाचा कुर्ता आणि त्यावर धोतर परिधान केलं आहे. तर त्याची पत्नी मैथिलीनं नऊवारी साडी परिधान केली आहे आणि त्यावर साजेसे असे दागिनेसुद्धा परिधान केले आहेत. (Siddharth Khirid Wedding)
सिद्धार्थने त्याची गर्लफ्रेंड मैथिली भोसेकरसह लग्नगाठ बांधली आहे. मैथिली भोसेकर ही डेंटिस्ट आहे. तसेच तिला मॉडेलिंगचीही आवड आहे. अनेक स्पर्धांमध्ये तिनं सहभाग घेतला होता. ‘पॅरिस फॅशन वीक’मध्येही मैथिली झळकली आहे. तिनं मिस इंटरनॅशनल वर्ल्ड पेटिट २०२२-२३ हा किताबही पटकावला आहे. दोन वर्षांपासून ते एकमेकांना ओळखतात. तसेच ‘मुलगी झाली हो’, ‘फ्रेशर्स’, ‘जाऊबाई जोरात’, ‘हृदयी प्रीत जागते’ अशा लोकप्रिय मालिकांमध्ये सिद्धार्थ खिरीड पाहायला मिळाला. स्टार प्रवाहवरील ‘मुरांबा या लोकप्रिय मालिकेतही तो पाहायला मिळाला. (Siddharth Khirid Wedding)
