what happened to anurag dobhal : YouTuber आणि ‘बिग बॉस’चा माजी स्पर्धक अनुराग डोभाल याने अलीकडेच इन्स्टाग्रामवर लाईव्ह करत वेगाने गाडी चालवून आत्महत्या करण्याचा प्रयत्न केला. या घटनेत तो गंभीर जखमी झाला. दरम्यान, त्याच्या दोन्ही नितंबांची हाडे तुटली असून फुफ्फुसांनाही इजा झाली आहे. त्यामुळे अनुरागची प्रकृती गंभीर राहिली आणि त्याला आयसीयूमध्ये दाखल करण्यात आले आहे. नुकतेच अनुरागलाही डिस्चार्ज देण्यात आला होता, त्यानंतर त्याला डेहराडूनला घरी नेले जात होते, मात्र वाटेत त्याची प्रकृती खालावली आणि त्याला पुन्हा रुग्णालयात दाखल करावे लागले. अनुरागचे मॅनेजर त्याच्या तब्येतीबद्दल सतत अपडेट्स देत होते आणि आता यूके 07 रायडरने स्वतःच याबाबत माहिती दिली आहे. रुग्णालयात दाखल झाल्यानंतर अनुरागने सोशल मीडियावर पहिली पोस्ट केली आहे.
या पोस्टसोबत एक छायाचित्रही आहे, ज्यामध्ये अनुराग डोभाल हॉस्पिटलच्या बेडवर पडून कॅमेऱ्याकडे हसताना दिसत आहेत. पोस्टमध्ये त्याने आपल्या सद्यस्थितीबद्दल सांगितले आहे आणि भावनिक गोष्टी लिहिल्या आहेत. अनुराग डोभाल यांनी लिहिले आहे की, “मी जिवंत असेन असे कधीच वाटले नव्हते. मी घेतलेल्या मार्गावरून परत येणे अशक्य होते. माझ्यासाठी हे सर्व काही चमत्कारापेक्षा कमी नाही. मी आज अनाथ आहे. पुढे काय होईल, मी काय करू हे मला माहीत नाही. पण जर तुम्हाला नवीन जन्म मिळाला असेल तर देवाने काहीतरी विचार केला असेल”.
आणखी वाचा – निरंजन कुलकर्णीच्या लग्नाच्या तारखेचे गुपित समोर, जूनमध्ये नाहीतर ‘या’ महिन्यात पार पडलंय लग्न ; म्हणाला…
अनुराग डोभाल यांनी पुढे लिहिले की, “अनेक लोक माझ्यासाठी चिंतेत आहेत. मी आयसीयूमधून बाहेर आहे आणि सध्या सुरक्षित आहे. जे माझ्यासोबत आहेत आणि ज्यांनी माझ्यासाठी प्रार्थना केली त्यांचे आभार. आणि कदाचित तुमच्या प्रार्थनांमुळेच हा जन्म झाला. बाकी सर्व काही देवावर सोडले आहे”.
आणखी वाचा – ‘पारू’ मालिका अचानक बंद; अभिनेत्री शरयू सोनावणेने सांगितलं खरं कारण; म्हणाली, “निर्मात्यांकडून…”
तत्पूर्वी, रविवारी, १५ मार्च रोजी, अनुराग डोभालचे व्यवस्थापक रोहित पांडे यांनी इंस्टाग्रामवर सांगितले होते की, YouTuberला शनिवारी रुग्णालयातून डिस्चार्ज देण्यात आला होता, परंतु घरी जाताना त्याची तब्येत बिघडली. अनुरागला श्वास घेण्यास त्रास होऊ लागला, त्यामुळे त्याला पुन्हा जवळच्या रुग्णालयात दाखल करावे लागले. अनुरागच्या फुफ्फुसांना फक्त इजा झाली नाही, तर त्याला न्यूमोनियाही झाला आहे. व्यवस्थापकाने एक व्हिडीओदेखील शेअर केला होता, ज्यामध्ये अनुरागला ऑक्सिजन मास्क घातलेल्या रुग्णवाहिकेतून रुग्णालयात नेले जात होते.
