Niranjan Kulkarni With His Wife Gudipadwa Special : ‘स्टार प्रवाह’ वाहिनीवरील गेल्या काही वर्षात सर्वात जास्त लोकप्रिय झालेली मालिका म्हणजे ‘आई कुठे काय करते’. पाच वर्ष या मालिकेने प्रेक्षकांचं भरभरून मनोरंजन केलं. या मालिकेतील प्रत्येक पात्राने प्रेक्षकांच्या मनात घर केलं. तसेच या मालिकेतील अशीच एक भूमिका जी प्रत्येकाला भावली. अरुंधतीच्या मोठ्या मुलाची म्हणजेच अभिषेकची भूमिका साकारणारा अभिनेता निरंजन कुलकर्णी. काही महिन्यांपूर्वीच निरंजन लग्नबंधनात अडकला. यावेळी निरांजनाच्या लग्नावरून बरीच चर्चा रंगल्या. अभिनेत्यानं शेअर केलेल्या व्हिडीओवरून निरंजन गुपचूप लग्न केलं असंही अनेकांनी म्हटलं.
अखेर निरंजननं केलेल्या या गुपचूप लग्नाची तारीख समोर आली आहे. अभिनेत्यानं ‘मज्जा पिंक’ला दिलेल्या गुढीपाडवा स्पेशल मुलाखतीत या गोष्टीचा अखेर खुलासा केला आहे. यावेळी निरंजन आणि मनीषा यांच्यासह खास गप्पा रंगल्या. लग्नाच्या तारखेचा खुलासा करत निरंजन म्हणाला, “आमचं लग्न जून २०२५ मध्ये नाही झालं. ही अफवा आहे. खरंतर आमचं लग्न ९ मे ला झालं आहे. अनेकांना असं वाटलं की मी गुपचूप किंवा पळून जाऊन लग्न केलं. पण तसं काही नाही. आम्हाला मर्यादित लोकांमध्ये आणि डेस्टिनेशन लग्न करायचं होतं. आम्ही एका ठिकाणी फिरायला गेलो होतो. तिथे छान समुद्र होता आणि मी तेव्हा इच्छा व्यक्त केली की आमचं लग्न अशाच छान ठिकाणी व्हावं. त्यानंतर मनीषा आणि मी मोरजीम मध्ये लग्न करण्याचा निर्णय घेतला.” (Niranjan Kulkarni With His Wife Gudipadwa Special)
तर पुढे निरंजन म्हणाला, “सुरुवातीला मी एक व्हिडीओ सोशल मीडियावर शेअर केला होता. त्या व्हिडिओमध्ये मी मनीषाच्या चेहरा दाखवला नव्हता. तेव्हा इतर लोकांना असं वाटलं की माझा नवीन चित्रपट किंवा अल्बम येत असावा. त्यावरून मला सगळे शुभेच्छा देत होते. अशी सगळी गम्मत त्यावेळी घडली.” (Niranjan Kulkarni With His Wife Gudipadwa Special)
