आजकाल सर्वत्र योगा हा ट्रेंड बनला सर्वसामान्यांपासून ते कलाकारापर्यंत सगळ्यांनाच योगाची क्रेज चढली आहे. कोणत्याही कलाकाराला फिट राहणं खुप महत्वाचं असतं. त्यामुळे अनेक कलाकार स्वतःला फिट ठेवण्यासाठी डाईट सोबत एक्सरसाइज तसेच योगा करताना दिसतात. अभिनेत्री प्राजक्ता माळी, प्रिया बापट, माधवी निमकर तसेच सोनाली खरे यांसारख्या अभिनेत्री त्यांच्या फिटनेस संदर्भातील व्हिडीओ आणि फोटोज सोशल मीडियावर शेअर करत असतात. असाच एक योगा करतानाचा व्हिडीओ अभिनेत्री अनघा अतुलने ऋतुजा बागवे सोबत शेअर केला आहे. (Anagha Atul And Rutuja Bagwe)
या व्हिडिओमध्ये ऋतुजा आणि अनघा एक योगा व्हिडियो बघत त्यातील आसन एकमेकांच्या साहाय्याने करू पाहताना दिसतायत. परंतु हे आसन त्यांना काही जमत नसल्याने त्यांना हसू देखील आवरत नाही आहे. या व्हिडियोला अनघाने “ओव्हरकॉन्फिडन्स” असे कॅप्शन दिले आहे. त्यांच्या या व्हिडिओवर “वेल ट्राईट वुमन्स ग्रो स्ट्रॉन्गर” असं एका चाहत्याने म्हंटल आहे, तर अनेकांनी या व्हिडिओवर हसण्याचे इमोजी देखील पाठवले आहेत.
हे देखील वाचा: वाॅकर घेऊन शंतनू मोघेंनी पार पाडला प्रयोग…
अनघा अतुल ही आपल्याला “रंग माझा वेगळा” या मालिकेत श्वेता हे पात्र साकारताना दिसतीये. या मालिकेतील हे पात्र नेगिटिव्ह स्वरूपाचे आहे. या मालिकेतील श्वेता नेहमीच कटकारस्थान करताना दिसते. सध्या मालिकेत सुरु असलेल्या कथानकानुसार श्वेतानेच या तर अनघाचे हे पात्र प्रेक्षकांना देखील खूप आवडत आहे. (Anagha Atul And Rutuja Bagwe)
तसेच अभिनेत्री ऋतुजा बागवे ही “नांदा सौख्यभरे” या मालिकेनंतर नावारूपाला आली. ऋतुजा आपल्याला शेवटची “चंद्र आहे साक्षीला” या मालिकेत दिसली होती. या नंतर ऋतुजाने “अथांग” सारख्या वेबसिरीजमध्ये देखील काम केले आहे. या वेबसिरीज मध्ये तिने जानकी या पात्राची भूमिका साकारली होती.
हे देखील वाचा: शिवाली ‘या’ अभिनेत्यासोबत गेली डेटवर ?
मध्यतंरी सातव्या मुलीची सातवी मुलगी या कार्यक्रमातील जेष्ठ अभिनेत्री ऐश्वर्या नारकर आणि तितिक्षा तावडे यांनी सुद्धा त्याच्या पूल साईटचा योगा व्हिडीओ शेअर केला होता. काही महिन्यांपूर्वी अभिनेत्री माधवी निमकरचा नऊवारी साडीमधला व्हिडीओ वायरल झाला होता.
