बॉलिवूडचे महानायक म्हणून ओळखले जाणारे अभिनेते म्हणजे अमिताभ बच्चन. त्यांनी बॉलीवूडला अनेक दर्जेदार चित्रपट दिले. ‘जंजीर’, ‘शोले’, ‘आनंद’, ‘त्रिशूल’, ‘मुक्कदर का सिकंदर’ अशा सुपरहिट चित्रपटांमधून ते सगळ्यांचे ‘अॅग्री यंग मॅन’ झाले. त्यांनी स्वतःची मोठ्या पडद्यावर नव्हे तर छोट्या पडद्यावर देखील जागा निर्माण केली आहे. ‘कौन बनेगा करोडपती’ या कार्यक्रमाचे मागील १४ वर्षांपासून ते सूत्रसंचालन करत आहेत. आता या कार्यक्रमाच्या १५व्या सीजनची जोरदार सुरुवात झाली आहे. या कार्यक्रमाला सुरूवातीपासूनच प्रेक्षकांचा बराच प्रतिसाद मिळत आहे. अमिताभ बच्चन यांचा खूप मोठा चाहतावर्ग आहे. पण या कार्यक्रमाच्या निमित्ताने प्रेक्षकांना त्यांच्यासमोर येऊन बसण्याची संधी मिळतं आहे. त्यामुळे स्पर्धक व अमिताभ यांच्यातील संवाद बराच खुलताना दिसत आहे. हॉटसीटवर बसवून अमिताभ सुद्धा स्पर्धकांसोबत मज्जामस्ती करताना दिसतात. अशात एका स्पर्धकाने अमिताभ यांना त्यांच्या दाढीवरून प्रश्न केला त्यावर त्यांनी खुलासा करत उत्तर दिलं आहे.(Amitabh Bachchan Reveals His Secret)
‘कौन बनेगा करोडपती’ कार्यक्रमाची १६ ऑगस्टला सुरूवात झाली. पहिल्याच एपिसोडला एका स्पर्धकाने अमिताभ यांना प्रश्न विचारत हॉटसीटवर बसवलेलं पहायला मिळालं. त्याने अमिताभ यांच्या दाढीच्या रहस्याबद्दल प्रश्न विचारला, “तुम्ही दाढी कशी मेंटेन ठेवता.” या प्रश्नावर रहस्य उलघडत अमिताभ यांनी सांगितलं, “मी दाढी मेंटेन ठेवत नाही तर दाढी स्वतःच नीट राहते.” असं सांगत पुढे त्यांनी ‘अक्स’ चित्रपटाचा किस्सा सांगितला.
वाचा – का अमिताभ ठेवतात दाढी? (Amitabh Bachchan Reveals His Secret)
अमिताभ बच्चन पुढे म्हणाले, “’अक्स’ चित्रपटाच्या शुटिंग दरम्यान मला अशीच दाढी ठेवावी लागली होती. पण मी स्वतःला जेव्हा आरशात पाहिलं तेव्हा मला ही स्टाईल आवडली. तेव्हापासून मी अशी स्टाईल ठेवायला लागलो. जसजसं वय वाढत जातं तसतसं डबल चीन व सुरकुत्या देखील वाढतात. ते लपवण्यासाठी सुद्धा याचा उपयोग होतो. हे पण एक कारण आहे की मी अशी दाढी ठेवतो आणि नेहमी ट्रिम करतो.”
अमिताभचे बरेच चाहते आहेत. त्यांना त्यांच्या आयुष्यातील किस्से जाणून घ्यायला बरेच आवडतात.