Amitabh Bachchan Mysterious Tweet : अमिताभ बच्चन सोशल मीडियावर नेहमीच सक्रिय असतात. दररोज ते काही ना काही vlog आणि ट्विट लिहित चाहत्यांच्या संपर्कात राहत असतात. ज्यामध्ये ते बरेचदा त्यांच्या दिनचर्याबद्दल किंवा मनातील गोष्टी शेअर करत असतात. अशातच आता अभिनेत्याने केलेल्या एका ट्विटनंतर ते घाबरुन गेले आहेत. यानंतर सलग दुसऱ्या दिवशी अभिनेत्यानाने दुपारी २.१५ वाजता ट्विट केले आणि सर्वांना आश्चर्यचकित केले. ज्यानंतर चाहत्यांनी त्यांना काय घडले त्याबाबत विचारण्यास सुरवात केली. सर्व काही ठीक आहे का?, काही बोलायचं आहे का?, अशा अनेक कमेंट करत चाहत्यांनी काळजी व्यक्त केलेली पाहायला मिळाली.
अमिताभ बच्चन यांनी ९ फेब्रुवारी रोजी दुपारी २:१५ वाजता ट्विट केले, ‘T 5282 – मला जावेसे वाटत आहे पण जावे लागले”. या पोस्टनंतर ८२ वर्षीय अभिनेत्याचे चाहते नाराज झाले आहेत. तर यावर काहींनी प्रतिक्रिया देत काळजी व्यक्त केलेली पाहायला मिळत आहे. एका यूजरने लिहिले आहे की, “झोपा जा नाहीतर जया भाभी येतील”. तर एकाने विचारले, “काय झाले साहेब?”. तर एकाने लिहिले, “बस करा सर. कालपासून तुम्ही आम्हाला घाबरवत आहात”.
आणखी वाचा – “त्यापेक्षा दारू, तंबाखू चांगला”, नागा चैतन्यचं मोठं वक्तव्य, म्हणाला, “तुमच्या शरीरासाठी…”
यापूर्वी अमिताभ बच्चन यांनी ७ फेब्रुवारी रोजी ८.३४ वाजता ट्विट केले होते की, “निघण्याची वेळ आली आहे”. त्यांच्या या ट्विटमुळेही चाहते अस्वस्थ झाले. एका वापरकर्त्याने लिहिले, “असे म्हणू नका सर”. बिग बीच्या सलग अशा दोन ट्वीटमुळे चाहत्यांना त्रास झाला आहे. अभिनेता काय म्हणण्याचा प्रयत्न करीत आहे हे त्यांना समजत नाही. कोणत्या संबंधात ते अशा गोष्टी लिहित आहे हे अद्याप गुलदस्त्यात आहे.
अमिताभ बच्चन ‘कौन बनेगा करोडपती सीझन १६’ होस्ट करत आहेत. याआधी, ते रजनीकांतबरोबर ‘वेटियन’ या चित्रपटात मोठ्या पडद्यावर दिसले. आता तो ‘कलकी २9 8 AD एडी’ च्या दुसर्‍या भागात दिसणार आहेत. या व्यतिरिक्त, त्यांचा इतर कोणताही प्रकल्प चर्चेत नाही. तर रणबीर कपूर आणि आलिया भट्ट यांच्यासमवेत अमिताभ बच्चन ‘ब्रह्मत्र २’ मध्ये दिसण्याची देखील एक शक्यता आहे.
