सोशल मीडियावर नेहमीच जगभरात घडलेल्या काही ना काही नवनवीन गोष्टी कानावर पडतात. अशातच काही दिवसांपूर्वी प्रियकरासाठी थेट पाकिस्तानातून भारतात आलेल्या सीमा हैदरने साऱ्यांना धक्काच दिला. पाकिस्तानातून भारतात आलेल्या या सीमा हैदरच प्रकरण आता सिनेसृष्टीसोबत जोडलं गेलं आहे. सीमा हैदर व सचिन मीणा यांच्या प्रेमकहाणीची सर्वत्र चर्चा रंगलेली पाहायला मिळाली. (Amey khopkar On Seema Haider)
जगभरात या दोघांची चर्चा असतानाच आता या दोघांनी त्यांना काम मिळत नसल्याचा सपाटा लावला आहे. अशातच या दोघांवर आधारित चित्रपट येणार असल्याचं समोर आलं आहे. ‘कराची टू नोएडा’ असं या चित्रपटाचं नाव असून हा चित्रपट जानी फायरफॉक्सचे मॅनेजिंग डायरेक्टर अमित जानी हे निर्मित करणार आहेत. याबाबतची माहिती ८ ऑगस्टला त्यांनी दिली होती. त्यानंतर आता चित्रपटासाठी ऑडिशन सुरू झाल्याचं समोर आलं आहे.
याशिवाय सीमा हैदरला एका चित्रपटाची ऑफरही देण्यात आली आहे. राजस्थानमधील उदयपूर येथील शिंपी कन्हैया लालच्या हत्येवर ‘ए टेलर मर्डर स्टोरी’ चित्रपट बनवण्यात येणार आहे. या चित्रपटात सीमा हैदर भारतीय रॉ एजंटची भूमिका साकारताना दिसणार असल्याची शक्यता वर्तवण्यात आली आहे, गेल्याच आठवड्यात या चित्रपटासाठी सीमाने ऑडिशनदेखील दिल्याचं समोर आलं आहे.
पाहा अमेय खोपकरांनी सीमा हैदरविरोधात काय ट्विट केलं (Amey khopkar On Seema Haider)
या प्रकरणावरून महाराष्ट्र नवनिर्माण सेनेचे सरचिटणीस आणि महाराष्ट्र नवनिर्माण चित्रपट कर्मचारी सेनेचे अध्यक्ष अमेय खोपकर यांनी यावर भाष्य करत ट्विट केलं आहे. असला कोणताही प्रकार महाराष्ट्रात खपवून घेतला जाणार नाही याबद्दल ते स्पष्टच बोलले आहेत. याबरोबरच पाकिस्तानी लोकांच्या चित्रपटसृष्टीत काम करण्यावरही त्यांनी भाष्य केलं आहे.
अमेय खोपकर यांनी ट्विट करत म्हटलं आहे की, “पाकिस्तानी नागरिकाला भारतीय चित्रपटसृष्टीत कोणतंही स्थान असता कामा नये, या आमच्या भूमिकेवर आम्ही ठाम आहोत. सीमा हैदर ही पाकिस्तानी महिला सध्या भारतात आहे. ती ISI एजंट आहे अशा बातम्याही पसरल्या होत्या. आमच्या इंडस्ट्रीमधील काही उपटसुंभ प्रसिद्धीसाठी त्याच सीमा हैदरला अभिनेत्री बनवतायत. देशद्रोही निर्मात्यांना लाजा कशा वाटत नाहीत? हे असले तमाशे ताबडतोब बंद करा, नाहीतर मनसेच्या धडक कारवाईसाठी तयार रहा, असा जाहीर इशारा देतोय. ऐकल नाही तर राडा तर होणारच..!!”
पाकिस्तानी नागरिकाला भारतीय चित्रपटसृष्टीत कोणतंही स्थान असता कामा नये, या आमच्या भूमिकेवर आम्ही ठाम आहोत. सीमा हैदर ही पाकिस्तानी महिला सध्या भारतात आहे. ती ISI एजंट आहे अशा बातम्याही पसरल्या होत्या. आमच्या इंडस्ट्रीमधील काही उपटसुंभ प्रसिद्धीसाठी त्याच सीमा हैदरला अभिनेत्री…
— Ameya Khopkar (@MNSAmeyaKhopkar) August 12, 2023
सीमा हैदर या प्रकरणावर आता मनसेने विशेष लक्ष घातल्याने याची जोरदार चर्चा सर्वत्र रंगली आहे. अमेय खोपकर यांनी याबाबत केलेल्या ट्विटनंतर कोणती हालचाल होणार का याकडे साऱ्यांचं लक्ष लागून राहील आहे.