Vishal Nikam Engagement : ‘स्टार प्रवाह’ वाहिनीवरील ‘येडं लागलं प्रेमाचं’ फेम अभिनेता विशाल निकम कायम त्याच्या वैयक्तिक आयुष्यामुळे चर्चेत असतो. विशाल सोशल मीडियावर कायम सक्रीय असतो. तर गेल्या काही महिन्यांपासून एका अभिनेत्रीसोबत रिलेशनशिपमध्ये असल्याच्या चर्चा रंगल्या. मात्र, त्यावर विशालने काही भाष्य केलं नव्हतं. अशातच आता काही दिवसांपूर्वी विशालनं थेट त्याच्या ‘सखी’सोबतचा रोमँटिक व्हिडिओ शेअर करत प्रेमाची कबुली दिली. अशातच आता विशाल निकमनं गुपचूप साखरपुडा उरकला असून त्याचे फोटो सोशल मीडियावर व्हायरल होत आहेत.आणि अभिनेत्री अक्षया हिंदळकर सध्या एका खास कारणामुळे चर्चेत आहेत. काही दिवसांपूर्वीच विशाल निकमने सोशल मीडियावर पोस्ट शेअर करत आपल्या प्रेमाची कबुली दिली.
आता विशाल आणि अक्षया यांच्या लग्नापूर्वीच्या विधींना सुरुवात झाली असून नुकताच त्यांचा साखरपुडा पार पडला. तर विशालने त्यांच्या साखारपुड्याचे फोटो सोशल मीडियावर शेअर केले आहेत. सध्या त्यांच्या साखरपुड्याचे फोटो सोशल मीडियावर व्हायरल होत आहेत. यावेळी अक्षयाने हिरव्या रंगाची साडी नेसली असून साधा सिम्पल लूक केलेला पाहायला मिळाला. त्याचबरोबर विशालने पिवळ्या आणि नारंगी शेडमध्ये शेरवानी परिधान केली होती. अक्षया आणि विशालच्या या खास क्षणाचे फोटो पाहून चाहतेही आनंदी झाले आहेत. त्यामुळे, आता विशाल त्याच्या ‘सखी’सोबत लग्नगाठ कधी बांधणार?, याची उत्सुकता चाहत्यांना लागली आहे. (Vishal Nikam Engagement)
