ऐश्वर्या राय व बच्चन कुटुंबात सध्या मतभेद सुरु असल्याच्या चर्चा आहेत. पती अभिषेकबरोबर ऐश्वर्याचे संबंध चांगले नाहीत, ऐश्वर्याला तिची सासू जया व नणंद श्वेता यांच्याबरोबर जमत नाही, अशा काही अफवा अनेकदा व्हायरल होतात. परंतु या अफवांचे ऐश्वर्या किंवा बच्चन कुटुंबाने कधीही खंडन केले नाही किंवा या गोष्टी कधीच खऱ्या ठरल्या नाहीत. अभिषेक व ऐश्वर्या यांच्या घटस्फोटाची चर्चा देखील रंगलेली पाहायला मिळाली, यावेळी या अफवांनी परिसीमा गाठली. मात्र दोघे एकत्र व आनंदी आहेत. (Aishwarya Rai Bachchan Ignores Niece)
अशातच आता एक जुना व्हिडीओ समोर आला आहे. हे पाहिल्यानंतर असा दावा केला जात आहे की, ऐश्वर्या तिची नणंद श्वेताची मुलगी नव्या नवेलीकडे दुर्लक्ष करत आहे. ऐश्वर्या राय बच्चनने २००७ मध्ये अभिषेक बच्चनबरोबर लग्न केले. या दोघांनी ‘रावण’, ‘गुरू’, ‘धूम २’ सारखे चित्रपट एकत्र केले आहेत. ऐश्वर्या व अभिषेकला आराध्या नावाची मुलगी आहे. ऐश्वर्या व आराध्या अनेकदा एकत्र दिसतात. ‘प्रो कबड्डी लीग’च्या सामन्यादरम्यान त्या एकत्र दिसल्या होत्या. नव्याही त्यांच्याबरोबर होती. अभिषेक आणि अनुपम खेर यांचा मुलगा सिकंदर खेरही या व्हिडीओमध्ये दिसला.
व्हिडीओमध्ये असं पाहायला मिळत आहे की, ऐश्वर्या पहिल्यांदा एन्ट्री करून आत आली. त्यानंतर आराध्या आत आल्यावर नव्या तिच्या प्रवेशासाठी बॅरिकेड्स उघडण्याची वाट पाहत आहे. ऐश्वर्या तिच्या मुलीकडून प्रवेश तिकीट घेते आणि तिच्या बॅगेत ठेवते. आणि लेकीला घेऊन नव्याला बरोबर न घेता निघून जातात, जणू काय ती तिथे उपस्थितच नव्हती.
या व्हिडीओवर काही नेटकऱ्यांनी कमेंट्सही केल्या आहेत. एकाने लिहिले आहे की, “त्याने नव्याला ज्या पद्धतीने मागे सोडले, त्यावरून त्याची खरी वृत्ती दिसून येते”. तर दुसऱ्याने लिहिले आहे की, “आई व मुलगी पुढे गेली आणि गरीब भाचीला मागे सोडले”. मीडिया रिपोर्ट्समध्ये असेही म्हटलं जात की, ऐश्वर्या व श्वेता जेव्हा कधी एखाद्या इव्हेंटमध्ये एकत्र दिसतात तेव्हा त्यांच्यामध्ये अंतर दिसून येते.
