Shivani Surve and Ajinkya Nanaware Marriage : अभिनेत्री शिवानी सुर्वे व अभिनेता अजिंक्य ननावरे यांचा नुकताच शाही थाटामाटात लग्नसोहळा पार पडला. भव्य अंदाजात व पारंपरिक अंदाजात ही जोडी लग्नबंधनात अडकली. त्यांच्या लग्नसोहळ्याचे अनेक फोटो, व्हिडीओ सोशल मीडियावरुन वाऱ्यासारखे पसरले. त्याआधी दोघांनी अखेर बंधनात असं म्हणत त्यांच्या साखरपुडा समारंभातील खास फोटोही इन्स्टाग्राम अकाउंटवरुन शेअर केले होते. या फोटोंनी दोघांच्या नात्याची जाहीर कबुली देत साऱ्यांना सुखद धक्का दिला.
शिवानी व अजिंक्य यांच्या लग्नसोहळ्यातील लूकचीही सर्वत्र चर्चा सुरु असलेली पाहायला मिळाली. दोघांच्या लग्नसमारंभातील लूकने साऱ्यांच्या नजरा वळविल्या आहेत. लग्नसमारंभातील शिवानीच्या मॉडर्न अंदाजातील लूकने साऱ्यांचं लक्ष वेधून घेतलं आहे. लग्नासाठी शिवानीने खास गुलाबी रंगाचा डिझाइनर लेहेंगा परिधान केलेला पाहायला मिळाला. शिवाय डोक्यावर घेतलेल्या लेहेंग्यावरील दुपट्ट्याने नववधूचं लूक खुलून आलं होतं. हिरव्या बांगडया, डायमंडचे दागिने यांत शिवानी अधिकच सुंदर होती.
तर अजिंक्यने पांढऱ्या रंगाचा स्टाइलिश कुर्ता व पायजमा घातला होता. तसेच गुलाबी रंगाच्या फेट्यामध्ये अजिंक्यचा नवरदेव खास दिसत होता. शिवानी व अजिंक्यच्या लग्नातील या लूकने साऱ्यांना भुरळ घातली. शिवानी व अजिंक्यच्या साखरपुड्यातील लूकनेही साऱ्यांच्या भुवया उंचावलेल्या पाहायला मिळाल्या. यावेळी दोघांचाही मॉडर्न अंदाज समोर आला असून या अंदाजाला असलेली पारंपरिक जोड साऱ्यांचं लक्ष वेधून घेत होतं.
साखरपुडा समारंभानिमित्त शिवानीने यावेळी फिकट जांभळ्या रंगाची डिझाइनर साडी नेसलेली पाहायला मिळाली. तर त्यावर नाजूक असे दागिने व हातात हिरवा चुडा असा पारंपरिक लूक पाहायला मिळाला. शिवानीचा मॉडर्न आणि त्याला पारंपरिक टच असलेला फोटो लक्षवेधी ठरला तर यावेळी अजिंक्यने कुर्ता व जॅकेट परिधान केलेल पाहायला मिळालं. डोक्यावर टोपी घालत त्याचाही पारंपरिक अंदाज साऱ्यांना विशेष भावला. सिनेसृष्टीतील अनेक कलाकार मंडळींनी शिवानी व अजिंक्यच्या लग्नाला उपस्थिती लावत दोघांना शुभाशीर्वाद दिलेले पाहायला मिळाले.